Popular Bible Verses from Yohana 15

Share

“Öni no-mozabhibhu ndë, na bhëënyu na amasagharya aghaane mörë. Ono araabhe na öbhömwë na öni, na öni mbe ëkëntö ëkëmwë nawe, naraame bhököngʼu, ko bhoora hano motaabhe hamwë na öni, temokore engʼana hë.

Mobhe na öbhömwë na öni, na öni wonswe nendaabhe na öbhömwë na bhëënyu. Kya bhono mokomaaha risagharya retakotora ukwama sehagho iryene igho, hano retaghotaini na omozabhibhu, ni-ighoigho na bhëënyu bhonswe, temotore ukwama sehagho hano motaabhe ëkëntö ëkëmwë na öni.

Bhëënyu hano moraabhe na öbhömwë na öni, na amangʼana aghaane ghonswe ghaikare mö-bhëënyu, kyokyonswe keno mukutuna, mosabhe Taata, naraabhahaane.

Të-bhëënyu mwaanshaaghora hë, kasi nö-öni naabhashaaghora. Mbatöörrë-ho igha, moghende mwame sehagho seno setakohwa, okore kyokyonswe igho keno moresabhanga Taata okohetera ku iriina iryane, narebhahaana.

Taaho ömöntö ono aana righonshe rinene, okokera righonshe irya ömöntö ukuruusya öbhöhöru ubhwaye, ko okoghera iya bhasaani abhaaye.

Kera risagharya reno retakwama sehagho na mbe nku-öni rërë, Taata nkuriruusya arë ku-öni. Kasi kera risagharya reno rikwama sehagho, Taata nkoreharörrya arë, okore ryame bhököngʼu.

“Umughiro ughwane ghono nkobharaghërrya, n-goono hano igha, mohanshane, kya bhono öni mbahanshirë.

Hano moraame sehagho sinsharu na okobha abheegha abhaane abha heene, hayö noraanyoore möröörökya ubhuhika ubhwa Taata aharabhurabhu igho.

Yëësu akaghëndërrya ököbhëëghya igha, “Öni no-mozabhibhu ughwa heene ndë, na Taata we ömörëmi.

Ömöntö wowonswe ono ataana öbhömwë na öni, uyö natuubhaini na risagharya reno resabhööywë, retabhutirwë kora ryömirë. Mbe, ömöntö nkobhoosha arë risagharya kya riyö, aretabhuta mo-morro, rerongora.

“Mbatëëbhëri amangʼana ghayö, okore mushomerwe kya bhono öni nkushomerwa, kora ukushomerwa ukwënyu kohekerane.

Hano moraaghoote imighiro ighyane, moraaikare mu-righonshe iryane. N-kya hano öni naaghöötirë imighiro ighya Taata, nkaikara mu-righonshe iryaye.

Mbe, nkobharaghërrya ndë igha, mohanshanenga.”

Singa na-abha ko-kebhara kono mörë, abhantö abha ko-kebhara kono, mbakaabhahanshirë kya bhono bhahanshirë abhakebhara bharikyabho. Kasi ko bhono naabhashaaghora ukurwa ko-bhantö abha ko-kebhara kono, tëmörëngë abha ko-kebhara kono hë, kiyö nkyo kekoghera abhantö abha ko-kebhara kono bharabharegha.