Popular Bible Verses from Mat 3

Share

Mbwenu ku muraabe mwegarukiremu, nimukyorekyere omu mitwarize yaanyu

kandi eiraka ryayema omu iguru, nirigira riti: Ogu n'Omwana wangye ou nkunda, kandi ou nshemerererwa munonga.

Yesu, ku yaaherize kubatizibwa, ahonaaho yaajabuka omu maizi, eiguru ryakinguuka, yaareeba Mutima wa Ruhanga naashuuma nk'enkombe naamwijaho

Nyowe nimbabatiza n'amaizi ahabw'okwegarukamu, kwonka ogwo orikuunyija enyima, nankiza obushoboorozi, kandi tinshemereire kumukwatira nkaito, we aryabatiza na Mutima Orikwera n'omu muriro.

Na hati empango etairwe aha mizi y'emiti; n'ahabw'ekyo omuti gwona ogutarikwana bijuma birungi, nigutemwa, nigunagwa omu muriro.

Yohaana ogwo niwe ou Isaaya omurangi yaagambireho, ati: Hariho eiraka ry'orikwamuriza omu ihamba, ati: Mutebeekanisize Mukama omuhanda, muringaanize otuhanda twe.