Popular Bible Verses from Mat 2

Share

Batyo baataaha omu nju, baareeba omwana na Mariya nyina. Baatsimba amaju, baamuramya, reero baakomoorora emitwaro yaabo, baamutoijera ebiconco; ezaabu n'obubaani n'obunyanunga.

Yesu ku yaazaariirwe Beetelehemu ey'omuri Buyudaaya, omu busingye bwa Herode omugabe, abashaija abanyabwengye baaruga burugwa-izooba, baija Yerusalemu. Baabuuza bati: Omugabe w'Abayudaaya ozairwe ari nkahi? Manya ku tureebire enyonyoozi ye burugwa-izooba, twaija kumuramya.

Ku baagireebire, baashemererwa munonga.

Ku baahabwirwe Ruhanga omu kirooto okutaraba ahari Herode, baatoora ogundi muhanda, baagaruka owaabo. Mbwenu abo banyabwengye ku baaherize kugyenda, maraika wa Nyakubaho yaabonekyera Yosefu omu kirooto, yaamugira ati: Imuka otware omwana na nyina, ohungire Misiri, ogumeyo okuhitsya obu ndikugambira; ahabw'okuba Herode naayenda kusherura omwana kumwita.