Popular Bible Verses from Kut 39

Share

Nyakubaho yaaguma na Yosefu, yaaba omushaija orikugyenderwa gye byona. Yaaguma naaraara omu nju ya mukama we Omunyamisiri.

Mpaho byona yaabita omu bushoboorozi bwa Yosefu, kandi akimwine, tiyaagira kintu kyona eki arikujunaanwa kukora, kureka ebyokurya ebi yaabaire arya. Yosefu akaba aine ahamaisho harungi kandi anyeetsire gye.

Ogwo murinzi w'ekihome yaakwatsa Yosefu embohe zaamwo zoona; na byona ebyabaire nibikorerwamu niwe yaabaire abireeberera.

Yaakwata Yosefu yaamwigatira omu kihome eki baabaire barindiramu embohe z'omugabe; n'onu yaakigumamu. Kwonka Nyakubaho yaaguma na Yosefu amwiniire rukundo etahararuka yaamuha okukundwa omurinzi w'ekihome.

Ku haahingwireho ebiro, muka mukama we yaamureeba, yaamurigira. Yaamugira ati: Ija obyame naanye. Kwonka Yosefu yaayanga; yaagira muka mukama we, ati: Ngaaha! Reeba, mukama wangye obu anyine, taine kintu kyona eky'omu ka eki arikumanya. Byona ebi atungire akabinkwatsa, n'egi ka tarikuginkiramu; kandi tihariho ki atarandekuriire, kureka iwe omukazi we. Mbwenu nimbaasa nta kukora ekibi kirikwingana kityo, nkacumura ahari Ruhanga?

Eizooba rimwe Yosefu ku yaataahire omu nju kukora omurimo gwe, hatariho ondi muntu omu b'egyo ka, ogwo mukazi yaamukwata omwenda, yaamugira ati: Byama naanye. Onu agumurekurira ahunga aruga omu nju.