Popular Bible Verses from Sélimɛ 17

Share

Lɛ̀lɛ líì nī Birama yiʔɛlɛ togosicɛri nɛ́ kpɔrigɔ nɛ́ kacɛri taa wè, a Yewe 'wìi tìɛ wi nɛ̄ nɛ́ jo: «Mi wī Ŋɔri Ti Mìɛni Kulocɛliɛ wè. Te síngi mi yiʔɛ mɛ́, ma puu dìgire fùn

Piyě ní de muɔ yeri Biramaʔ (ki kɔri wire wī: tuufɔli ŋáà pe 'kpóri wè), nɛ̀ ki cɛ́n muɔ míʔɛ ki bé puu Birayima (ki míʔɛ kɔri wire wī: tuufɔli ŋáà wī siɛnniʔɛmɛfɔli), nɛ́ ki cɛ́n mi nyɛ́nì muɔ kpíʔile kùlogolo siɛnniʔɛnɛ tuuliʔɛ.

«M'bé 'koli mi nyakungɛngɛ siɛnrɛ nɛ̄ dè dìi mi yé juu mi nɛ́ muɔ sunʔɔmɔ ní bè, bé ní koli ti sɔ́migɔ juu nɛ́ muɔ kɛ̀ngɛlɛ ke mìɛni siimɛ ní bè; ki bé puu bànguɔ nyakungɛngɛ. M'bé kò muɔ Kulocɛliɛ, bé ní puu muɔ siimɛ wuulo pe Kulocɛliɛ, muɔ kàduʔumɛ gè.

«Mi wè, mi nyɛ́nì mi nyakungɛngɛ kpíʔile gè nɛ́ muɔ ní: muɔ bé tɔ̀ni bé ba puu siɛnfeliniʔɛyɛ tuuliʔɛ.

A Kulocɛliɛ 'jo: «ʔúnʔun: muɔ cuɔ Sara wire wī bé jaafɔli sii muɔ mɛ́. Muɔ bé wi míʔɛ le gè bèri wi yeri Siaga (ki kɔri wire wī: kátaanra pùɔ). M'bé ní koli mi nyakungɛngɛ siɛnrɛ nɛ̄ dè bè ti sɔ́migɔ juu nɛ́ wi ní, wire nɛ́ wi siimɛ wuulo ní bèle, gàa ki bé puu bànguɔ nyakungɛngɛ gè.

Kanaa kùlo náà nī muɔ tɛ́ni lè, lire náà nī muɔ 'puu nabɔnwɔ wè, m'bé ni mìɛni kɛn muɔ mɛ́, muɔ nɛ́ muɔ siimɛ wuulo ní bèle muɔ kàduʔumɛ gè; ni bé puu yeli woli lɛ̀lɛ ó lɛ̀lɛ nī. M'bé kò pe Kulocɛliɛ.»

A Birayima 'tuu nɛ̀ yiʔɛ cúbulo gè dàala nɛ̄ lè, nɛ́ tíʔɛ nɛ́ ki sɔ̀ngi wi fungo nī gè nɛ́ jo: «Yiʔɛlɛ dabataan (100) nàguɔ bé ní gbɛ̀ pùɔ sii í ? Yiʔɛlɛ togosicɛri nɛ́ kpɔrigɔ cuɔ bé ní gbɛ̀ sii í ?»

A Kulocɛliɛ wi ń'nɛ̀ ki juu Birayima mɛ́ nɛ́ jo: «Sarayi wè, muɔ cuɔ wè, muɔ sì ń'de wi yeri Sarayi cíginiʔ; nɛ̀ láʔa pàngɛ nɛ̄ gè, pe béri wi yeri Sara (ki kɔri wire wī: kùlofɔli póri).

«Kɛnɛkɛnɛ wè, wire wi bé puu nyakungɛngɛ ki fìɛ wè, mi nɛ́ yeli sunʔɔmɔ ní bè.

Nɛ̀ ki yaʔa m'bé ní koli mi nyakungɛngɛ siɛnrɛ nɛ̄ dè, bè ti sɔ́migɔ juu nɛ́ Siaga ní wè, ŋàa Sara bé sii wè yiɛlɛ láà bìinɛ ŋáà nī wè.»

A nàgabile ni 'cɛnyɛ kataanri taa wè, yeli 'yɛli bè wi kɛnɛkɛnɛ kpíʔile wè. Bà ki béri kpínʔini kɛ̀ngɛlɛ ke mìɛni nàgabigele mɛ́, nɛ́ nàguɔlɔ bálì bīɛlɛ pe wè muɔ wésiile bèleʔ, kire 'jo sùkulolo bálì pe 'sii muɔ kpáa nī gè, nɛ́ sùkulolo bálì pe 'suɔ nabɔnminɔ mɛ́ bèle nɛ́ wali ní wè. Sùkulolo bálì pe 'sii muɔ kpáa nī gè nɛ́ bàli pe 'suɔ nɛ́ wali ní wè, pe mìɛni 'yɛli pe‑ pe kɛnɛkɛnɛ. Bà ki bé kpíʔile mi nyakungɛngɛ ki fìɛ wi bé puu yeli céri nɛ̄ dè, ki bé puu nyakungɛngɛ gáà kiǐ ga kúɔ gèʔ.