Popular Bible Verses from Malëkë 9

Share

Yeesu wusë n'kaambë : « Ningë wum'podi! Makë mooso mën'vangënë mu wosuku wuke ciminu. »

Lisya li mwaanë wusë sundilooso kulosukë : « Miinu yike ciminu! Kasi nzudi, mu lukaambu lu ciminu! »

Bunë Yeesu kwakoti ku n'zo, bilaanzi byaandi bisë n'yufulë ku mpeengë : « Mu mbici beeso twakambulu kubasilë ciluunzi cibye? » Yeesu wusë bëcikuninë : « Mu n'saambu vwiili mwaawu bëm'podi kubasilë mpilë ciluunzi ocyo. »

« Saalu n'ciinzë yikeeli, akasi ningë lutwiingu lwaandi lusyeelyooso ko, buni lum'podi kube vutulilë lutwiingwee? Lwe baanu saalu mu benuveekë i lwe zingilyaanu mu n'sikë mu benuveekë i benuveekë. »

« Muutu wunë wun'tambulë cimwamwanë wunë wuke dedë mweekë yi naandyaawu mu lizinë lyaami miinu, minuveekë kun'tambulë. Wosuku wun'tambulë miinu, yaaku tokë miinu vwiili kun'tambulë, vandi kasi yivaandi wo wukun'filë. »

Wosuku wuluvaanë koopo masi, mu lizinë lyaami cibilë beeno mu Kliistu lukeeli, yilukaambë miiti: bucyelikë naandi wum'bakë ndobwaandi. »

Ningë ti muutu wun'vangisi kubwiisi mu lisumu wumweekë mu bibabanë bëke ciminu mu miinu, mëyoolë mu muutu be woowo, kun'kaangë limanyi linenë mu cimenu i kun'lakë mu m'bu.

Mpilë mweekë yivaandi, ningë ti lyeesu lyaaku likuvangisi kubwa mu lisumu, litumuni. Mëyoolë kukotë ku Lwaangu lu Nzaambi yi litulu i yikuluundë meeso më mwaali yikulaku ku buluunji bu mbaasu.