Popular Bible Verses from Liikë 23

Share

Yeesu wusë tubë : « Ata, bëlen'vukilë, cibilë bësye zaabë ko manë bëlë mu kuvaangë. » Mësodaadi bisë kabënë baveekë yi baveekë n'vwaatwaandi mu kubulë njekë.

Yeesu wusë vutulë : « Licyelikë, yilë mu kukukaambë : bubwayi njeeyi wum'ba yaami ku paladi. »

Mu lyalyooli, naandi wusë be tubë : « A Yeesu, ntebukilë moonyi ntaangu wun'kwisilë ku lwaangu lwaaku. »

Yeesu wusë losukë mu mbeembu nkamu: « Ata, miinu yalekulë ciluunzi cyaami mu myookwaaku. » Bunë kwamani kutubë obo, naandi wusë fwa.

Ntaangu baawu bisë ke tuukë fë mbiinji bën'telaangë « Lidokusu li N'tu », mësodaadi bisë mbaandë Yeesu i bivadë-mbi bi byooli fë sikuluusu, wumweekë ku mëbakëlë maandi i wumesë ku mëcyeetu maandi.

Yabë fë ntaangu-mbatë bunë muunyi wuleembu kulesikë: citoombi cisë batë si yakë yooso, i cisë ziingë tee fë zoolë yi n'tatu yi m'bukulu-bwiisi. N'lelë wabë mu kati ku n'zo-Nzaambi, wusë bën'zikë fë meeyi.

N'kuluutu-mësodaadi më Loomë bunë kwamoni manë mëvangënë. Naandi wudumisi Nzaambi i kutubë : « Licyelikë, muutu awu wusulëmë! »