Popular Bible Verses from 1 Pedru 1

Share

Yamee purangawaa Deus supe kua yaneruixawa Jesus Kristu paya Turusu pirasua umaa yande arama, ape utrukari yanepia pisasuwaa yariku arama kua yasaruwaa upakawaa, upuamu resewara Jesus Kristu umanuwaita pitera sui. Yariku arama yuiri kua yariku aramawaa tiwa iyuka, tiwa ikia, tiwa uxirika yuiri, kua umukaturuwaa perunde iwaka kiti.

Ape peyumusuuri periku pukusaware pepurara kutarantu kua uriwaa pepiri. Pemee arama purangawaa ixupe, pesikie yuiri pemaa ixupe ipupe kua peruyarisawa perikuwaa puranga piriwaa uru sui aintaumukaturuwaa tata irumu, uri rame kuri kua Jesus Kristu.

Maa kuaye purangawaa yawe kua usenuiwaa penye, yawete yuiri perikute pesikari puranga penye yawewarawate. Nyãse aintaumpinima kuera: "Perikute pesikari purangawaita penye nyãse purangawaa ixe."

Kuaye tainaita uruyariwaita yawe, tepemunya kuaye pepira uputariwaa yawe kuera tipukusaware pekuawa.

Ape pepukuari puranga pemanduarisawa, pemanduari satambika, pesaru puranga kua ipurangasawa umeewaa kuri penye arama uri rame kuri kua Jesus Kristu.

Nyãse kapĩ yawe panye kuaita mundu puraita, asui panye aintapurangasawa kuaye kapĩ putira yawe. Asui uxirika kua kapĩ, asui uwari iputira, Maa tiwa upawa kua yaneruixawa nyenga. Aete kua nyenga purangawaa aintaumbuewaa sese penye.