Popular Bible Verses from Marcos 1

Share

Jabë gȩnȩrä, jabë tatadërä, dorë cjitëpea̧ queri̧diädërä, Jechu judi bëdü ëte järëremȩde jibëa̧ Ama̧i̧ pio ju̧i̧ ni̧bäpea̧ oa. Bë ma̧ri̧ri pio judiri go̧dümȩrȩ järëremȩde pumȩ decjiaräpȩ. Ado jibëa̧ma̧i̧ cjiamȩrȩ ni̧bäa̧dejȩ.

Ado ja̧di ta̧rëri̧ yo̧mȩrȩ a̧ra̧ano̧rëremȩdejȩrȩ pumȩ ji̧ri̧: "Danȩrȩ, Ütërë yo̧a̧ chja̧oerä cjo̧ro̧pea̧ üdë querediä tjamo̧diibe. Ano̧ mire jo̧rȩtachji̧vä. Ma̧ȩ chjadëi̧ pio ju̧i̧ quëna̧chji̧vä." Ja̧di ta̧rëri̧ yo̧mȩrȩ a̧ra̧ano̧rëremȩdejȩrȩ Jechu judi.

Ado Jechu judi uiri pio judiri go̧dümȩrȩ, uëräpȩmo̧ gatë damȩrȩ darëremȩdejȩ a̧dë oa areië baämȩ oa. Ado pio judiri biramȩ oa daea̧dejȩ Tjo tjamo̧ oa, pio jȩaiäpȩmo̧ biramȩ oa, jotoco puami̧ dari̧ birana̧ra̧mȩ oa. Ado a̧dëri pio judiri ni̧bämȩ oa chjaodëri̧ ta̧rëa̧ maeadiro̧jo̧ȩ. Ja̧di ta̧rëri̧ yo̧a̧mȩ oa ta̧rëa̧diro̧jo̧ȩ: "Ea tjamo̧requedemȩ ca̧ Ja. Ma̧ chiadëri̧ cjia tjamo̧mȩrȩ darequedemȩ." Aja̧, ja̧di ta̧rëri̧ yo̧mȩrȩ yo̧rëremȩde Ama̧i̧ tjamo̧ judi Joja oa.

Ado danȩrȩ, cüdë dibë chuda̧ ji̧, jabechji̧ ui maeara̧ go̧e cjaeä chudarequededibe. Jabo judi Tjo tjamo̧ra̧ pio ju̧ri̧ra̧ go̧e cjaeä chudapadidibe." Aja̧, ja̧di ta̧rëri̧ yo̧mȩrȩ araano̧rëremȩdejȩrȩ pumȩ ji̧ri̧ Juan judi.

Ado Jechu judi yabëa̧dejȩrȩ: "Pio coa cho̧rë jana̧chji̧vä. Mȩnȩro̧ cho̧ ma mu̧i̧rërea̧ ji̧, jabechji̧ pumȩ pio ji̧ri̧ ano̧ mire mu̧i̧mi̧ dari̧ dabapa tänȩparequededibe." Aja̧, ja̧di ta̧rëri̧ yo̧mȩrȩ yo̧rëremȩdejȩrȩ. Ado chjaodëri̧ mitë anȩno̧a̧diro̧jo̧ȩ jibëa̧ cho̧ mu̧i̧rea̧ bäre oa Jechu pio ju̧i̧ cho̧rë jäpea̧ oa.

Ado pumȩ judiro̧ pio ju̧i̧ a̧ra̧ano̧mȩ oa ta̧rëa̧ oaiä ana̧ri̧ jo̧rȩtaji̧ri̧pea̧dirȩ. 'Chia chia, tjaoëpai̧ dari̧ a̧ra̧ano̧mȩdiibëda, Moicherë go̧ȩparërea̧ ma̧ȩ oa a̧ra̧ano̧ji̧ri̧ pio judiro̧mi̧ dari̧ a̧ra̧ano̧dëdiibëda, jabo tjamo̧ yo̧mȩmi̧ darë a̧ra̧ano̧diibëda, uapadëmȩrȩ a̧ra̧ano̧dibëda' quëna̧ jo̧rȩtaji̧ri̧rȩ ta̧rërëreji̧ri̧diro̧jo̧ȩ, ya yabë cjiaji̧ri̧rȩ.