Wali togo eo yako karoonya sira rasui etu, ri eo to katogo, sira samparia matida kojo nepenya see naka mayu’u wukunya.
Wali tempo etu semo dua mba’a ana i Yakub, tukaka i nDina to sanganya i Simeon sira dua i Levi, sira dua mangabanang songka to naika nsira seore. Sira mangoko wada nsira samba’a pei samba’a pei yau njo’u kota. Rata nja’u ria sira masua ri raya ngkota etu. Taa moru-moru raya nsira masua apa sira mangansani samparia tau langkai paka mayu’u wuku nsira. Wali ojo karata nsira dua ri raya ngkota etu sira mansaka mangaliwu tau to langkai panewa mampopate yau sira samparia.