Wali yako etu, re’e seore sira mayoko wo’u yako Sukot etu pei mampakapolas palinja nsira dayau muni ri lipu i Yakub ri tana Kana’an. Wali sira rata nja’u kota Sikhem ri tana Kana’an etu ri kasanang ndaya nsira. Ojo karata nsira nja’u ria sira mangawangu tenda-tenda nsira ri raya mpada to ri sambali ngkota etu. Yako etu i Yakub mangoli yau tana ri pada etu yako resi ngana i Hemor. I Hemor etu, ia bara sawei mba’a ananya, pasi samba’a ananya etu sanganya i Sikhem. Ia tau langkai. Wali tana to noli i Yakub etu, olinya satu ngkomba doi pera. Wali ojo pangoli i Yakub tana etu, ia mangawangu palampa nja’u ria. Palampa etu ia mangampake mampue mampakabae i Pue Allah, Allah ntau Israel.
Wali etu semo sarita mangkonong palinja i Yakub pasi joanya tempo sira mampiyaika lipu i Laban ri Mesopotamia, pei yau muni ri tana Kana’an.