Popular Bible Verses from Palaong mPomakau i mPue Yesu 3

Share

Wali a’i-a’i, pajea pasi ndolika tangomu resi i Pue Allah see Ia maya mangalapa dosa ngkomi.

Pei i Petrus manganto’o, “Resi kami taa kojo re’e doi, pei kesaa to re’e resi kami, to etu dakuwaika korom. Wali yako ri kuasa i Yesu Kerisitu to Nasaret, aku manganto’oka korom pakore pei palinja.”

Yako etu i Petrus mangkongko pale ngkai etu tondo ngkana pei mangansawang ia see ia damakore. Panewa witi pasi wuku yali ngkai etu mansaka mawali maroso. Wali ia matambesi tudu ngkangkore panewa malinja-linja. Panewa yako etu ia mangalulu i Petrus sira dua i Yohanes masua ri raya banua i mPue Allah. Ia malinja matambesi-mbesi pasi ri rayanya ia malinja etu ia mangabarong i Pue Allah.

Wali kuasa to yako i Yesu etu, kuasa etu semo to mampakaroso witi ngkai si’i. Palaong to nukita ngkomi etu pasi to manasa ngkomi, palaong etu mawali apa saba kami mangaya kuasa i Yesu etu. Wali apa saba kami mangaya kuasa i Yesu etu see naka ngkai si’i mawali masilonga koronya ewa to room nukita ngkomi samparia.