Popular Bible Verses from Palaong mPomakau i mPue Yesu 2

Share

Wali i Petrus mangansono, ia manganto’o, “Ewa si’i danuika ngkomi. Pajea pasi rabaptis komi samba’a pei samba’a see sa’e mangansani komi mangayamo i Yesu Kerisitu. Ane komi mangika ewa see, dosa ngkomi daralapas, pasi komi seja damangarata sora yako resi Pue Allah, etu semo i Nosa Mapasing.

Wali tau to mangaya i Pue Yesu etu sira samparia paka madota kojo mangampodongeka anu to napotundeka mpomakau i mPue Yesu, pasi sira sangkani masingkatao siromu sindara-ndara. Sira seja mandudu ngkani mangkoni sindara-ndara mangangendo kapate i Yesu pasi sira seja siromu makai-kai.

Wali tempo etu bae kojo karoso ndaya to nawaika i Nosa Mapasing sira samparia. Wali samparia sira to re’e ri raya banua etu mula magombo ri raya basa to yusa to taware igurunya. Wali basa to sira mangampake etu, ewa wimba i Nosa Mapasing mangawaika sira manganto’o, etu semo to sira manganto’o.

Tempo sira nja’u nja’u ria, kodi majoli sira mangandonge loo yako ndate yangi, loo etu ewa loo nu gempata. Pasi loo etu radonge juku ri raya banua to nakare’e nsira etu. Pasi tempo etu re’e seja anu to ewa kaa nu apu tudu pasi mandoo ri wawo mbo’o ntau etu samba’a pei samba’a. Wali tempo etu bae kojo karoso ndaya to nawaika i Nosa Mapasing sira samparia. Wali samparia sira to re’e ri raya banua etu mula magombo ri raya basa to yusa to taware igurunya. Wali basa to sira mangampake etu, ewa wimba i Nosa Mapasing mangawaika sira manganto’o, etu semo to sira manganto’o.

Wali ponto eo sira siromu mampue mampakabae i Pue Allah ri banuaNya. Pasi sira seja masanang kojo pasi buya raya nsira mangkoni sindara-ndara ri banua nsira samba’a pei samba’a, mangendo kapate i mPue Yesu. Pasi sira tare pandoonya mangabarong i Pue. Wali tau boros samparia masanang kojo resi tau to mangaya i Pue Yesu etu pasi ponto eo i Pue mangadugang wo’u kaborosinya tau to rapalaes.

Ia mangantulis gombo i mPue Allah, to’onya, ‘Ane rata ri kapuranya temponya to si’i Aku damangantudumaka NosangKu resi samparia to lino. Wali nganamu to langkai pasi to we’a sira damampakarebaka komi tuntungKu. Pasi ane to langkai to si komi to mangurawa sira damangkita pangkita to Aku mampapokitaka sira, pasi to tu’amo damampongipika mangkonong pangipi to daKuwaika sira.

Pasi tau to mangaya sira tare pandoonya masintuwu. Wali ngaya-ngaya to re’e resi sira, samparia sira puenya. Sira mampobalu yau ngaya-ngayanya panewa doinya etu natilaka yau nsira samparia. I sema to taa gana to napake, ia mangantima yako ri tila nu doi etu.

Wali tempo etu i sema-sema to marapi sawang resi i Pue, tau etu darapalaes.’ Wali etu semo gombo i mPue Allah to natulis i Yoel mangkonong kama’i i Nosa Mapasing.”

Wali mata nu eo damawali wuri pasi mata nu wuya damawali mawaa ewa raa. Wali palaong etu damawali ri katawanya rata Eonya i Pue mula maporenta ri lino, eo to bae kojo batuanginya.