Popular Bible Verses from Éxodo 1

Share

Ö̦jö ma cui, ö̦jö cäcöbö suwä lä cuinö, Yai Bada nija cäcöbö fa quilinö, Ejidoteli a wa̦ bada juabönomi. Cäcöbö nosiemaö ja, a lä cuno weinaja, tä tabönomi. Ijilu wa̦lo bä ma cui, bä demi tamaboböö fe yadioma.

Ö̦jö ma cui, bä nö bleaamaö fe ma balojoono wejei ma cui, bä yai shino balaö fe yadio dicooma. Bä ca̦i bälöjou blaucublaliyoma. Inaja bä cuaama yalo, Ejidoteli bä fa quilinö, bä nofi wa̦libou fe balojoomaje.

Inaja cäcöbö suwä cuaama yalo, Yai Bada tänö dodijidawä cäcöbö tamaboma. Yai Bada nija cäcöbö quilima yalo, ijilu bä ja, cäcöbö bayeliblaö dodijioma. Isaeli ebä bluca lä cui, bä balaö fa showaofälönö, bä bälöa lojodoa fe balojoaliyoma.

Bei. Tä nö fa dedelönö, ya̦cumö Ejidoteli bä nija José a wa̦fa ji̦libou lä mlai a bada läa nomöjöquema.