Popular Bible Verses from Galesha 3

Share

Lâ mita saura pali wan kulkan ba wina Kraist mita pri wan sakan sa, kan yawan wan tâwan witin lika upla saura kum baku takan; Ulbanka ba wisa: “Saura pali sa baha nani dus ra paman prui ba.”

Bamna nanara lika, Ju kaia, apia kaka Grik kaia, alba kaia, apia kaka pri kaia, apia kaka waitna kaia, mairin kaia tânka ba âpu sa; kan Kraist Jisas wal asla kaia lâka ba mita, man nani sut asla kumi sma.

Bamna Kraist dukia sma kaka, man nani lika Ebraham kiamka, bara Gâd diara pramis munan ba brima.

Naha na baku takan, Gâd mita Ebraham ra yamni munaia pramis munan ba, Kraist Jisas bâk Ju apia uplika nani ra yaia; bara baku yawan sut bribia kasak lukan lâka ba mita, baha Spiritka Holikira Gâd mita pramis munan ba.

Baha lika param sa, upla kumi sin âpu sa, lâ dîa wi ba kat dauki bamna, Gâd mita kasakkira kulki ba; kan Ulbanka ba wisa: “Gâd mita kasakkira kulki uplika ba, kasak lukan lâka mita raya kabia.”