Popular Bible Verses from 1 Jan 2

Share

Tasba na bara diara nani bilara ba, latwan kaikpara. Ani uplika tasba ra latwan kaiki ba, Gâd Aisa ra sip latwan kaikbia apia; kan tasba na mita wanki dukia ba kumi sin Aisa wina apia sa, tasba witin ai dukia sa. Wan wîna tara brinka saura nani ba, wan nakra diara kaiki bani brin dauki ba, naha tasba dukia nani ba wal aimayunaia lâka ba sut, naha tasba wina baman sa.

Bara tasba na ai brinka saura nani sut wal mahka lui auya; sakuna ya Gâd kupia lâka kat dauki ba, ban kaia ra raya ban iwisa.

Ani uplika witin ba Gâd wal asla sa wisa kaka, witin Jisas Kraist naha tasba ra kan ba baku iwaia sa.

Yang luhpi lupia nani, naha bîla mai ulbisna man nani saura yama apia ba dukiara. Sakuna upla kumi saura daukbia kaka, wan tâwan aisasara kum brisa Aisa mawanra, baha lika Jisas Kraist, bara witin ba kasakkira sa.

Sakuna upla kum wibia: “Yang lika witin ba kakaira sna”, kuna ai lâka bîla wali daukras sa kaka, baha uplika ba kuninkira bara diara kasak ba tânka witin ra âpu sa.

Gâd lâka ba bîla wali daukisa kaka, baha ba lika wan marikan sa yawan bui witin ra kakaira ba tânka.

Bamna upla kum wisa witin ba ingni ra sa, sakuna ai muihni ra misbara kaikisa kaka, witin ba lika kau tihmia ra sa.

¿Bara ya ba kuninkira sa ki? Ani uplika Jisas ba Misaya apia sa wibia kaka, baha uplika sika Kraist mapara ba, kan witin ba Aisa bara Luhpia wâlsut ra kulkras pali sa.

Luhpia ra kulkras uplika nani sut ba, Aisa ra sin kulkras sa; sakuna ya Luhpia ra kulki ba, Aisa ra sin kulkisa.