Popular Bible Verses from Luke 4

Share

“Vo Baṉara vo Tabu ala Auvana ta aṉa tona, ako vota lula o pitoele aṉa tu aṉata aqai bazubazutou ko Uri ama Bazu se ozaoza kamu kasi. Vota lula o soroele aṉa tu aqai bazutou ko rupasio se piripiri amu kasi, tu se leqa kamu ta ke keazatou ni ke rupasio seke niumaniumaivani, ni a qaseko koa taku so keru vo Baṉara o pakiemou keru voko maba poso,” kikolako.

Ni Jisu ta o vati tiorikake vo ni eri kiolake, “Ko Tabu ama Riki ta eri nio kikolani, ‘Ilusiva vo Baṉara vo ṉovo Lekasa ni va nabulupute vo o kiada!’ ” kiolake.

Nio Jisu ta o vati tiorikake vo, ni eri kiolake, “Ko Tabu ama Riki ta eri nio kikolani, ‘Maba ta pui o rovea saevo sailao kale ko kiada,’ kikola,” kiolake.

Nio vo Jisu ta o vaitake Jodani sukuru kale azo ovai sukateni vo Tabu ala Auvana, ni voa Auvana ta o odievake vo ni o vati olake lealea kama zaekale.

Ni Jisu ta o vati tiorikake vo, ni eri kiolake, “Ko Tabu ama Riki ta eri nio kikolani, ‘Ṉota pui ṉo madoevou ṉovo Baṉara vo ṉovo Lekasa tu tava kelo voko aqasiele ama iruruputo ṉoko sarube ama kalo kale,’ ” kiolake.

Nio Setani ta o paikake zolizolievo vo Jisu komia kiadama keve poso kale, ni vota o vaevake vo saita.

Nio vo Setani ta o vati peatake vo kama pado okate ama sopu kale ni vota ova kasekake kiadama komia peuru ma peuru kale ama matumatuma peuru poso ni toutou poso kama simoto tiniama taku kale. Ni vo Setani ta eri va kiolake, “Aṉata a qatiṉou ṉo kiadama komi quli ko lekasa puo ko pizato, ni kiadama koko ṉaṉaidara. Ako koa kiadama quli ta lula aṉako ṉase topi ko katiziovi, sole aṉata a roveovou kativo ko kala maba vo aṉa a bitoevani. Sole ṉota ṉola loqunou ni ṉo ilusilou aṉa, nio koa kiadama quli ta ṉoko ko elou,” kiolake. Ni Jisu ta o vati tiorikake vo ni eri kiolake, “Ko Tabu ama Riki ta eri nio kikolani, ‘Ilusiva vo Baṉara vo ṉovo Lekasa ni va nabulupute vo o kiada!’ ” kiolake.

Nio vo Setani ta o vati olake vo Jerusalema, ni vota o lojoevake vo Jisu Jelepade ko matu okate ama volei kale. Sai nio eri va kiolake, “Ṉota Baṉara vo Meqora ṉa sole ṉota joure koi kazo. Ako ko Tabu ama Riki kikolani ta, ‘Baṉara ta o bazuemou voko mateana poso tu seta ke ṉati vailou ṉo.’ Ni mata kota eri nio kikolani, ‘Seta ke zolaeṉou ṉo seko ṉase kale ni ṉoko kiti melai pui kopa taṉa sasa qoriziovou lado topi,’ ” kiolake vo Setani. Ni Jisu ta o vati tiorikake vo, ni eri kiolake, “Ko Tabu ama Riki ta eri nio kikolani, ‘Ṉota pui ṉo madoevou ṉovo Baṉara vo ṉovo Lekasa tu tava kelo voko aqasiele ama iruruputo ṉoko sarube ama kalo kale,’ ” kiolake.