Popular Bible Verses from Markus 13

Share

Kong samua orang akan binci pa ngoni karna ngoni iko pa Kita. Tapi orang yang tetap percaya pa Kita sampe dia pe ahir hidup, Tuhan Allah mo kase slamat pa dia.”

Jadi ngoni musti ati-ati deng bajaga-jaga! Barang, ngoni tara tau tempo apa itu mo jadi.

Kalu ada yang bawa pa ngoni kong serakan pa ngoni untuk mo adili, jang ngoni tako apa yang ngoni musti bilang. Ngoni bilang saja apa yang Roh Kudus suru ngoni bilang, karna itu bukang ngoni pe kata-kata yang kaluar tapi Roh Kudus.

Langit deng bumi mo abis, tapi Kita pe kata-kata akan tetap ada sampe slama-lamanya.”

Turus Yesus bilang lagi pa Dia pe murit-murit, “Tarada satu orang yang tau tempo apa Anak Manusia yang dari sorga mo datang ulang. Malaekat-malaekat di sorga tara tau, Anak Manusia sandiri me tara tau, cuma Bapa di sorga saja yang tau.

Kong kalu ngoni dengar ada baku prang pa ngoni pe daera, atau di tampa laeng, ngoni tara usa tako. Samua itu musti jadi, tapi itu bolong dia pe waktu dunia mo kiamat.

Dia musti bajaga-jaga suda, karna dia tara tau tempo apa tuang ruma itu mo datang. Mangkali dia mo datang sore ka, tenga malam ka, amper siang ka atau pagi-pagi. Bagitu me deng ngoni. Ngoni musti bajaga-jaga turus, jang sampe Kita datang kong dapa lia ngoni tara basiap. Apa yang Kita pasáng pa ngoni, Kita pasáng lagi pa samua orang: bajaga-jaga suda!”

Karna nanti, suku deng suku akan baku prang, kerajaan deng kerajaan laeng akan baku prang. Kong nanti ada lagi tana goyang di mana-mana, deng ada lagi kelaparan. Tapi samua itu baru dia pe awal penderitaan sebelum hari kiamat, itu sama deng penderitaan yang parampuang rasa waktu mo melahirkan.

Barang, samua suku bangsa musti dengar dulu Kabar Bae itu, baru kiamat.

Barang, banya orang akan datang pake Kita pe nama, deng dorang bilang bagini, ‘Kita ini Dia suda, Raja yang Tuhan Allah janji mo kase slamat pa manusia!’ Tapi dorang itu cuma biking tipu banya orang la iko pa dorang.

Jadi ngoni musti ati-ati! Karna ngoni percaya pa Kita, orang-orang mo serakan pa ngoni la dapa adili di pemimpin-pemimpin agama Yahudi. Ngoni me mo dapa pukul di ruma-ruma ibada agama Yahudi. Dorang mo kase mangada pa ngoni pa gubernur-gubernur deng raja-raja. Kong dong tanya-tanya pa ngoni. Tapi di situ ngoni pe kesempatan untuk kase tau tentang Kita pa dorang.

Karna nanti ada banya orang datang bilang kata, dorang Mesias, atau bilang kata, dorang nabi yang kase turus Tuhan Allah pe pasáng. Deng dorang me biking mujizat-mujizat deng tanda-tanda yang kase tunju dong pe kuasa supaya orang percaya pa dorang kong jang percaya pa Tuhan yang butul lagi. Deng kalu bisa, dorang me mo biking sesat pa orang-orang yang Tuhan Allah so pili.

Yesus bilang lagi, “Waktu hari-hari sengsara itu so mo abis, matahari deng bulan so tara basinar lagi. Bintang-bintang akan jatu dari langit, kong samua yang ada di langit mo jadi kaco.