Popular Bible Verses from Mateo 7

Share

Pedide e recibiredes, buscade e atoparedes, petade e abrirásevos.

Pois quen pide, recibe; quen busca, atopa; e a quen peta, abriráselle.

Así pois, todo aquel que escoita as miñas palabras e as pon en práctica será coma o home asisado que edificou a súa casa sobre rocha.

Así que tratade á xente en todo conforme queredes que vos traten a vós, porque esta é a Lei e mais os Profetas.

Pero que estreita é a porta e que apertado o camiño que levan á vida, e que poucos dan con eles!

Entrade pola porta estreita. Porque ancha é a porta e espazoso o camiño que leva á perdición, e son moitos os que entran por el.

Pois se vós, que sodes ruíns, ben sabedes darlles cousas boas ós vosos fillos, canto máis voso Pai celestial llelas dará ós que llas pidan?

Non xulguedes para que non vos xulguen a vós. Porque co xuízo que xulguedes hanvos xulgar a vós, e coa medida coa que midades hanvos medir a vós.

Mais todo o que escoita as miñas palabras e non as leva á práctica, pórtase coma un toleirán que edificou a súa casa sobre area.

Por que reparas no lixo que hai no ollo de teu irmán e non te decatas da trabe que hai no teu? E, como lle vas dicir a teu irmán: "Deixa que che quite o lixo que tes no ollo", tendo ti unha trabe no teu?

Gardádevos dos falsos profetas que veñen onda vós con aparencia de ovellas, pero no fondo non son máis ca lobos rapaces! Polos seus froitos coñecerédelos. Ou é que se recollen uvas dos espiños ou figos dos abrollos?

Así, toda árbore de boa caste produce froitos xeitosos, e toda árbore de mala caste produce froitos ruíns.

Non pode unha árbore boa producir froitos ruíns, nin unha árbore ruín producir froitos de calidade.

Toda árbore que non produce froitos bos, córtase e bótase no lume.