Popular Bible Verses from Mateo 5

Share

Tampouco se acende unha lámpada para poñela debaixo da artesa, senón sobre o candeeiro, para que alume a todos os da casa. Alume así a vosa luz ós homes, para que, vendo as vosas boas obras, glorifiquen a voso Pai que está nos Ceos.

Vós sodes a luz do mundo. Non se pode agachar unha cidade afincada na cima dun monte.

Ditosos os de corazón limpo, porque eles verán a Deus.

Ditosos os famentos e sedentos de xustiza, porque eles ficarán fartos.

Pero eu dígovos: amade os vosos inimigos, e pregade polos que vos perseguen.

Ditosos os que teñen espírito de pobres, porque deles é o Reino dos Ceos.

Ditosos os que traballan pola paz porque eles serán chamados fillos de Deus.

Ditosos os que choran, porque eles serán consolados.

Ditosos os perseguidos por causa da xustiza, porque deles é o Reino dos Ceos.

Ditosos os misericordiosos, porque eles acadarán a misericordia.

Ditosos vós cando vos aldraxen, persigan e calumnien de calquera xeito pola miña causa: Alegrádevos e reloucade, porque grande será a vosa recompensa nos Ceos; do mesmo xeito perseguiron ós profetas anteriores a vós.

Ditosos os non violentos, porque eles herdarán a terra.

Vós sodes o sal da terra. Pero se o sal se volve insulso, con que se vai salgar? Para nada vale xa, senón para tirar con el e que o pise a xente.

Daquela sede bos sen exclusivismos, coma o voso Pai celestial é totalmente bo.

Falade, logo, deste xeito: "Si", cando é si; "Non", cando é non; e todo o que pase de aí vén do Malo.

Tedes oído que se vos dixo: Ollo por ollo e dente por dente. Pero eu dígovos: non volvades mal por mal. O contrario, se alguén che dá un lapote na túa meixela dereita, preséntalle a outra

Se o teu ollo dereito che é ocasión de pecado, arríncao e tira con el; que máis che vale que se perda un dos teus membros e non que te boten todo enteiro no inferno. Se a túa man dereita che é ocasión de pecado, córtaa e tira con ela lonxe de ti; que máis che vale que se perda un dos teus membros e non que te boten todo enteiro no inferno.