Popular Bible Verses from लूका 5

Share

जां यीशु मणूआं जो उपदेस देई बैठ्ठे, तां तिन्हा ने शमौन जो बोल्लेया, अपणी किस्ती जो डुग्गे पाणी पास्से लेई चल अते मच्छी पकड़ने तांइ अपणे जाल जो पाणी बिच पा।

शमौन ने तिन्हा जो जवाब दित्तेया, ओ मेरे मालक, असा सारी रात मच्छी पकड़ने तांइ बड़ी मैहनत कित्ती, पर किच्‍छ भी नी पकड़ी सके, फिरी भी जे तुसा बोल्लेया करदे हिन, तां मैं सिर्फ तुसा रे बोलणे पर दुबारा जाल पाई दिन्दा। जिस बेल्ले तिन्हा ने यीशु रे बोलणे पर दुबारा जाल पाया, तां तिन्हा ने सच्ची अन्दर मती सारी मच्छियाँ पकड़ियाँ, अते से इतणी जादा थिया कि तिन्हेरे जाल ही फटणा लग्गी पये।

पर यीशु प्रार्थना करणे तांइ कह्ल्ले बियाबान जगाह् जो चुपचाप चली जान्दे थिये।

पर, मैं तिन्हा लोक्कां तांइ नी आया, जे कि भले अते नेक हिन, पर पापियां जो तिन्हेरे पाप्पां का तौबा कराणे तांइ तिन्हा जो सद्दणे तांइ आये रा है

ए सब किच्‍छ दिख्खी करी शमौन पतरस यीशु रे पैरा पेई करी बोलणा लगेया, ओ प्रभु जी, मेरे का दुर चली जाओ, किजोकी मैं तां इक्क पापी मणू है।

यीशु ने तिन्हा जो जवाब दित्तेया, जिय्यां मरीजाँ जो ही हकीम अते वैद्दां री जरुरत हुंदी, ते जे भले-चन्गे हिन, तिन्हा जो नी, तिय्यां ही पापी मणूआं जो ही पाप माफ कराणे री जरुरत है ना कि भले अते नेक मणूआं जो

ते जिस बेल्ले से सब जणे कनारे पर आई गे, तां तिन्हा ने अपणा सब किच्‍छ छड्डी दित्तेया, अते यीशु रे पीच्छे चली पे

जिस बेल्ले से कुसकी सहर अन्दर थिये, तां उत्ते इक्क कोढ़ी मणू आया, ते से यीशु जो दिख्खी करी मुँह रे भारे पेई गेया ते यीशु रे छंदे करणा लगेया, ओ प्रभु जी, जे तुसा चाण तां मेरे जो सुच्चा करी सकदे हिन। यीशु ने अपणा हत्थ बधाई करी तिसजो छुत्तेया ते बोल्लेया, मैं चाह्‍ंदा कि तू ठीक होई जाये ते तिसेरा कोढ़ तिस्सी बेल्ले ठीक होई गेया।

पर यीशु रे कम्मां री खप्प तां होर भी फैलणा लग्गी पेई, ते मते जणे मणू उन्हेरी गल्लां जो सुनणे तांइ अते अपणी बमारियाँ का खरा होणे तांइ यीशु का आणा लग्गी पे।