Popular Bible Verses from Luka 3

Share

Ndodhi që, kur ishte tue u pagëzue gjithë populli dhe Jezusi kishte qenë pagëzue e ishte tue u lutë, u hap qielli dhe zbriti mbi të Shpirti i Shenjtë me pamje trupore si pëllumb e doli një za prej qielli: «Ti je biri im. I dashtuni. Ti më kënaqe».

Gjoni u përgjigj, tue u thanë të gjithëve: «Unë vërtet po ju pagëzoj me ujë, por po vjen ma i forti se unë, të cilit nuk jam i denjë me ia zgjidhë lidhëset e sandaleve. Ai ka me ju pagëzue me Shpirtin e Shenjtë e me zjarr.

Jepni, pra, fryte të denja të pendimit e mos filloni me thanë me vete: "Kemi atë Abrahamin". Prandaj unë po ju them: Hyu prek këtyne gurëve mundet me i qitë fëmijë Abrahamit.

Porse tashma u asht vue edhe sëpata rranjëve të pemëve. Çdo pemë që nuk jep fryt të kandshëm këputet e hidhet në zjarr».

Siç asht e shkrueme në librin e Isaisë profet: Zani i vikatësit në shkretinë: përgatitni udhën e Zotit, drejtoni shtigjet e tij. Çdo hulli të mbushet, çdo mal e kodër të ulet, udhët e shtrembëta do të jenë të drejta e të vrazhdat të lëmueta. E do ta shohë çdo mish shpëtimin e Hyut.