Popular Bible Verses from Markus 9

Share

Yésus terus ngomong marang bapaké botyah kuwi: “Omongmu: Yèn Panjenengan bisa? Kanggo wong sing pertyaya samubarang bisa kelakon!”

Sak nalika bapaké botyah kuwi terus ngomong karo banter: “Kula pertyaya. Supaya gelem ngekèki pitulungan marang kula sing kurang pertyaya iki!”

Bareng Yésus wis mlebu ing sakwijiné omah, para muridé pada takon marang Panjenengané nalika ora ana wong liyané: “Awit apa kita ora bisa nundung roh kuwi?” Panjenengané terus ngomong: “Golongan roh iki ora bisa ditundung kejaba mung karo pandonga.”

Uyah kuwi betyik; nanging yèn uyah dadi tawa, nganggo apa enggonmu bakal mulihké asiné? Kowé pada nduwéa uyah ing uripmu lan pada tansah rukuna siji lan sijiné.”

“Sapa sing nampani botyah iki ing jeneng-Ku, kuwi Aku sing ditampani. Sapa sing nampani Aku, kuwi duduk Aku sing ditampani, nanging Panjenengané sing ngutus Aku.”

Sak temené Aku ngomong marang kowé: Sapa waé sing ngekèki ngombé marang kowé banyu sak tyingkir, awit kowé kuwi mèlu Kristus, wong kuwi mesti ora bakal kélangan upahé.”

“Sapa waé sing njalari siji sangka antarané botyah-botyah tyilik sing pertyaya marang Aku iki gawé dosa, wong kuwi luwih betyik yèn guluné dikalungi watu gilingan, terus dityemplungké ing segara.

Yèn mripatmu njalari kowé nggawé dosa, kuwi tyukilen; awit luwih betyik kowé mlebu ing Kratoné Gusti Allah karo pétyé, tenimbang karo genep mripatmu, nanging dityemplungké ing neraka