Popular Bible Verses from Markus 10

Share

Awit Putrané Manungsa kuwi enggoné teka ora supaya diladèni, nanging supaya ngladèni, uga supaya masrahké nyawané kanggo nebus wong okèh.”

Yésus nyawang para muridé, lan ngomong: “Kanggo manungsa kuwi pantyèn mokal, nanging kanggo Gusti Allah ora, sebab kanggo Gusti Allah samubarang bisa kelakon.”

Yésus terus ngomong: “Lungaa, pengandelmu wis mitulungi kowé!” Sak nalika kuwi uga wong lamur mau bisa weruh, terus mèlu ngetutké Yésus.

Awit kuwi, apa sing wis didadèkké siji karo Gusti Allah, aja dipisahké karo manungsa.”

Sak njeruhné mandeng wong kuwi, Yésus nduwé rasa trésna marang wong mau, Panjenengané terus ngomong: “Mung kari sak perkara kekuranganmu: Lungaa, dolen kabèh apa sing kok duwèni, lan kuwi wènèhna marang wong-wong mlarat, kowé bakal nduwé banda ing swarga; terus balia mréné, lan mèlua Aku!”

Yésus takon marang wong kuwi, tembungé: “Karepmu, kowé njaluk dikapakaké?” Wong lamur mau terus ngomong: “Rabuni, kula njaluk bisaa weruh!”

Nanging ing tengahmu aja kaya mengkono; sapa sing kepéngin dadi wong gedé, kuwi dadia peladènmu

Sak temené Aku ngomong marang kowé: Sapa waé sing ora nampani Kratoné Gusti Allah kaya botyah tyilik, kuwi ora bakal mlebu ing kono.”

Nanging okèh wong sing ndisik bakal pada dadi kèri lan sing kèri bakal pada dadi sing ndisik.”

Nanging sangka wiwitan, Gusti Allah nyiptaké manungsa lanang lan wadon. Mulané wong lanang kuwi bakal ninggal bapak lan ibuné, rumaket karo bojoné, lan wong loro kuwi terus dadi daging siji, wis ora loro menèh, nanging dadi daging siji.