Popular Bible Verses from मरकुस 7

Share

क्जोकि अंदरे ते, मतलब माणु दे मने ते बुरे-बुरे बचार, ब्यभिचार, चोरी, हत्या, परस्त्रीगमन, लालच, बुराई, छल, लुचपण, बुरी नजर, निंदा, घमंड, कने मूर्खता निकल़दी ऐ। एह़ सारियां बुरिआं गल्लां अंदरे ते ई निकल़दियां हन कने माणुये जो असुद्ध करदियां हन।”

ऐदई कोई चीज्ज नीं ऐ जेह्ड़ी बाहरे ते माणुये च आई नैं तिसियो असुद्ध करैं; अपर जेह्ड़ियां गल्लां माणुये दे अंदरे ते निकल़दियां हन, सैई तिसियो असुद्ध करदियां हन।

यीशु तिन्हां नैं ग्लाणा लग्गा, “यशायाह भविष्यवक्तैं तुहां पाखंडी लोकां दे बारे च बड़ी ठीक भविष्यवाणी कित्तियो; जिंआं पवित्रशास्त्रे च लिख्या ऐ। ‘एह़ लोक मुँऐ नैं तां मेरा आदर करदे हन, अपर इन्हां दा मन मिन्जो ते दूर रैंह्दा ऐ।

एह़ बेकार च मेरी अराधना करदे हन, क्जोकि माणुआं दे हुक्मां जो परमात्मे दी सिक्षा बणाई नैं सखांदे हन।’

क्जोकि तुहां परमात्मे दे हुक्मां जो छड्डी नैं माणुआं देयां रीति रिवाजां जो मनदे हन।”