Popular Bible Verses from मरकुस 5

Share

ताह़लू यीशु तिसा जणासा नैं ग्लाणा लग्गा, “हे कुड़िये, तेरे बसुआसैं तिज्जो खरा कित्ता ऐ। खुसिया नैं जा, कने अपणिया इसा बमारिया ते बची रैह्।”

तिसा भीड़ा च इक्क जणांस थी, जिसा जो बारांह साल ते खून चलणे दी बमारी थी। तिन्नै मतेआं बैदां-हकीम्मां ते अपणा लाज कराया था, कने अपणिया सारियां चीज्जां जो बेची नैं तिसायो बमारिया ते कोई फर्क नीं पेआ, अपर सैह़ होर जादा बमार होई गियो थी।

कने तिसी बग्त तिसादा खून चलणा बंद होईया, कने तिन्नै अपणे सरीरे ते मसूस करी लेआ, “कि मैं इसा बमारिया ते खरी होई गियो।”

कने कुड़िया दा हत्थ पकड़ी नैं तिसा जो ग्लाया, “तलीता कूमी।” जिसदा मतलब ऐ, “हे कुड़ी, मैं तिज्जो ग्ला दा, उठ।”

यीशु एह़ ग्ला दा ई था कि आराधनालय दे सरदारे दे घरे ते लोकां आई नैं ग्लाया, “हुण गुरू जो तकलीफ मत दे, क्जोकि तेरी कुड़ी तां मरी गियो।” जेह्ड़ी गल्ल सैह़ लोक ग्लांदे थे, तिसा जो यीशुयैं अणसुणी करी नैं आराधनालय दे सरदारे जो ग्लाया, “मत डर; सिर्फ बसुआस रख।”

ताह़लू यीशुयैं तिसा दुष्टआत्मा जो ग्लाया, “हे दुष्टआत्मा, इस माणुये ते निकल़ी आ।” यीशुयैं तिसा दुष्टआत्मा ते पुछया, “तेरा नां क्या ऐ?” तिन्नै दुष्टआत्मा ग्लाया, “मेरा नां सेना ऐ; क्जोकि अहां मतिआं भरी हन।”