Popular Bible Verses from यूहन्ना 17

Share

तेरे वचनां च सच्चाई ऐ, कने सच्चाईया नैं तिन्हां जो पवित्र कर।

कने सदा दी ज़िन्दगी एह़ ऐ कि सैह़ तिज्जो इकमात्र सच्चे परमात्मे जो कने यीशु मसीह जो, जिसियो तैं घल्लेया ऐ, जाणन।

“मैं सिर्फ इन्हां तांई विणती नीं करदा, अपर तिन्हां तांई भी जेह्ड़े इन्हां दे वचनां दे जरिये मिन्जो पर बसुआस करगे, कि सैह़ सारे इक्क होन; जिंआं तू हे पिता मिन्जो च ऐ, कने मैं तिज्जो च, तिंआं ई सैह़ भी अहां च होन, जिसते संसारे सारे लोक बसुआस करन कि तैंईं मिन्जो घल्लेया ऐ।

मैं एह़ विणती नीं करदा ऐ, कि तू तिन्हां जो संसारे ते चुक्की लेआ, अपर एह़ कि तिन्हां जो तिस सैताने ते बचाई रख।

सैह़ महिमा जेह्ड़ी तैं मिन्जो दित्ती मैं तिन्हां जो दित्ती ऐ, कि सैह़ तिंआं ई इक्क होन जिंआं कि अहां इक्क हन, मैं तिन्हां च कने तू मिन्जो च कि सैह़ सिद्ध होई नैं इक्क होई जान कने संसार जाणे कि तैंईं मिन्जो घल्लेया, कने जिंआं तैं मिन्जो नैं प्यार रखेया तिंआं ई तिन्हां नैं प्यार रखेया।