Popular Bible Verses from यूहन्ना 11

Share

यीशुयैं तिसा नैं ग्लाया, मैं सैई ऐ जेह्ड़ा मरेयां लोकां जो ज़िन्दगिया च वापस लेयोंदा ऐ; जेह्ड़ा कोई मिन्जो पर बसुआस करदा ऐ जे सैह़ मरी भी जां तमी तिन्हीं जिन्दे होणा। कने जेह्ड़ा कोई जिन्दा ऐ, कने मिन्जो पर बसुआस करदा ऐ, सैह़ सदा काल तिकर नीं मरगा। “क्या तू इसा गल्ला पर बसुआस करदी ऐ।”

यीशुयैं तिसा नैं ग्लाया, क्या मैं तिज्जो नैं नीं ग्लाया था कि जे तू बसुआस करगी, तां परमात्मे दी महिमा जो दिक्खगी।

यीशु रोया।

एह़ सुणी नैं यीशु ग्लाणा लग्गा, “एह़ बमारी मौत्ती दी नीं; अपर परमात्मे दी महिमा तांई ऐ, कि तिसदिया बज़ाह ते परमात्मे दे पुत्तरे दी महिमा होयैं।”

एह़ ग्लाई नैं तिन्हीं जोरे नैं हक्क पाई, “हे लाजर बाहर निकल़ी आ।” जेह्ड़ा मरी गेआ था जिसदे हत्थ पैर कफने नैं बन्नेयो थे सैह़ तिंआं ई निकल़ी आया, कने तिसदा मुँ कपड़े नैं लपेटया था। यीशुयैं तिन्हां नैं ग्लाया, “इसियो खोली देआ कने जाणा देआ।”

यीशु मने च भिरी बड़ा ई उदास होई नैं कब्रा पर आया। सैह़ इक्क गुफा थी कने इक्क पत्थर तिसा पर रखेया था।

तिन्हीं एह़ गल्लां ग्लाई करी, कने इसते बाद तिन्हां नैं ग्लाणा लग्गा, “अहां दा साथी लाजर सोई गेआ ऐ, अपर मैं तिसियो जगाणा चलेया।”