Popular Bible Verses from यूहन्ना 10

Share

चोर कुसी होर कम्मे तांई नीं अपर सिर्फ चोरी करणा, मारणा कने खत्म करणा ओंदा ऐ; मैं इसतांई आया कि सैह़ ज़िन्दगी पान, कने मती सारी पान।

खरा गुआल़ा मैं ऐ; खरा गुआल़ा भेड्डां तांई अपणे प्राण दिंदा ऐ।

मेरियां भेड्डां मेरी उआज़ सुणी करी पणछैणदियां हन; मैं तिन्हां जो जाणदा, कने सैह़ मिन्जो पचांह़-पचांह़ चलदियां हन।

कने मैं तिन्हां जो सदा दी ज़िन्दगी दिंदा ऐ। कने भेड्डां दा कदी नास नीं हुंगा, कने कोई तिन्हां जो मेरे हत्थे ते खोई नीं सकदा।

दरवाजा मैं ऐ; कने परमात्मा तिन्हां दा उद्धार करगा, जेह्ड़े मेरे जरिये अंदर जांदे हन, कने अंदर बाहर आई जाई सकगे कने तिन्हां जो खाणे तांई खाणा मिलगा।

खरा गुआल़ा मैं ऐ; कने मैं अपणियां भेड्डां जो जाणदा ऐ, कने तिंआं ई मेरियां भेड्डां मिन्जो जाणदियां हन।

मेरा पिता, जिन्हीं तिन्हां जो मिन्जो दित्या ऐ, सबना ते बड्डा ऐ, कने कोई तिन्हां जो पिता दे हत्थे ते छड्डाई नीं सकदा। मैं कने पिता इक्को ई हन।”

जिंआं पिता मिन्जो जाणदा ऐ, कने तिंआं ई मैं पिता जो जाणदा ऐ। कने मैं भेड्डां तांई अपणे प्राण दिंदा ऐ।

कोई मेरे प्राणा जो मिन्जो ते लेई नीं सकदा, अपर मैं तिन्हां जो अपणिया मर्जिया ते दिंदा ऐ। मिन्जो अपणे प्राण दैणे दा भी हक्क ऐ, कने तिन्हां जो भिरी लेई लैणे दा भी हक्क ऐ, क्जोकि एह़ हुक्म मिन्जो मेरे पिता ते मिल्लेया ऐ।”

ताह़लू यीशुयैं तिन्हां नैं भिरी ग्लाया, “मैं तुहां नैं सच्च-सच्च ग्लांदा ऐ, कि भेड्डां तांई अंदर ओणे दा दरवाजा मैं ऐ।

मजदूर जेह्ड़ा ना तां गुआल़ा ऐ, कने ना तां भेड्डां दा मालक ऐ, भेड़िये जो ओंदे दिक्खी नैं भेड्डां जो छड्डी नैं नठ्ठी जांदा ऐ; कने भेड़िया तिन्हां पर हमला करी तितर-बितर करी दिंदा ऐ।

यीशुयैं ग्लाया, “मैं तुहां नैं सच्च-सच्च ग्लांदा ऐ, कि जेह्ड़ा कोई दरवाजे ते भेड्डां दिया घराला अंदर नीं जांदा, अपर कुसी दूये पास्से ते अंदर चली जांदा ऐ, तां सैह़ चोर कने डाकू ऐ।