Popular Bible Verses from प्रेरित 1

Share

पर ज़ैबै पवित्र आत्मा तुसा पैंधै एला तैबै तुसाबै शक्ति मिलणी; होर फिरी तुसै मेरै बारै न, यरूश्लेम शैहरा न लेइया सारै यहूदिया ज़िलै होर सामरिया ज़िलै होर सारै दुनिया रै हर ज़ैगा मेरै गवाह होंणा।”

यीशुऐ तिन्हां बै बोलू, “तेई बौगतै रै बारै न ज़ाणना तुसरी तैंईंयैं ज़रूरी नैंई ऑथि। सिर्फ़ तिन्हां गैला रै बारै न बापू ज़ाणा सा कि तै कैबै होली।

होर तेइयै च़ेले सैंघै मिलिया हुक्म धिना, “यरूश्लेम शैहरा बै मता छ़ौड़ा, पर बापू री तेई भेंटा री प्रतिज्ञा रै पूरै होंणै रा इंतज़ार केरदै रौहा, ज़ुणिरी चर्चा तुसै मूँ न शुणी सा। किबैकि यूहन्नै ता पाणी न बपतिस्मा धिना ती, पर थोड़ै रोजा बाद तुसै पवित्र आत्मा न बपतिस्मा पाणा।”

तेइयै बड़ै दुःख सौहणै होर मौरनै न बाद बोहू पक्के सबूता सैंघै आपणै आपा बै ज़िन्दा रिहाऊ, होर चाली रोजा तैंईंयैं सौ तिन्हां न हेरुआ, होर परमेश्वरा रै राज्य री गैला केरदा रौहू।

ऐण्ढा बोलै न बाद यीशु तिन्हरै हेरदै-हेरदै स्वर्गा बै च़कुआ होर बादलै री बजहा सैंघै तै तेइबै हेरी नी सकै।

प्रेरित ज़ैबै तेइबै स्वर्गा धिरै हेरदै लागै ती ता शुणा, च़ानक दूई मर्द च़मकणु आल़ै शेतै झिकड़ै लाइया तिन्हां सामनै एज़िया खड़ै हुऐ। होर बोलदै लागै, “ओ गलीली मर्दो, तुसै किबै खड़ै होईया सर्गा धिरै भाल्दै लागै सी? ऐ यीशु ज़ो तुसा हागै न स्वर्गा बै च़कुआ ज़ौस रीतियै तुसै ऐ ज़ाँदा हेरू तेसा रीतियै ऐई दबारा ऐणा।”