Popular Bible Verses from 1 Timoti 6

Share

Kolwana nkondo mbotu zyakubamba lusyomo kusikila ukatambule buumi butamani. Nkaambo Leza wakakwiitila zeezi ciindi nookaamba antangalala zyalusyomo ndojisi banji kabamvwide.

Nkaambo kuyandisisya lubono ngomuyanda wabubi boonse. Nkaambo kakuluyandisisya, bamwi bakaleya, basiya lusyomo, nkabela macise manji abajaya.

Masimpe kukomba Leza kuleta mpindu, kufumbwa buyo kuti muntu walamwa azeezyo nzyajisi.

Kayi taakwe ncitwakaleta munyika, alimwi taakwe ncotuyootolelela.

Kolaya aabo bavubi ansi aano kuti tabeelede kulisumpula naa kusyoma buvubi bwabo oobo butakkalilili. Pele beelede kusyoma Leza uutufonkweda zintu zyoonse kuti katuligwasya anzizyo.

Aabo bayandisisya kuvuba balanjila mukutepaulwa, alimwi balacegwa mukakole kazisusi zinji zyabufuba-fuba zinyonyoona. Nzenzizyo eezi zibbizya bantu mukunyonyooka amukusweeka kuuyosya.

Ubalailile kucita zibotu, kuti bantu bazibe kuti mbavubi mukubeleka milimo mibotu, alimwi kabapa amaanza obilo bayanda kwaabana zintu abamwi. Mukucita boobo balaliyakila ntalisyo njumu kulibambilila zyaaziciboola kuti bakatambule buumi bwalo buli mbuumi bwini-bwini.