Popular Bible Verses from Yoano 10

Share

Ngivi kechi wiyatu ne, poso kwiba, ne kwipaya, ne konauna. Amiwa naishile namba bamone bumi, kabiji namba bekale naabo bwavula.

“Amiwa ne kafunga wawama, kafunga wawama welela mikooko mweo wanji.

Mikooko yami yumvwa jiwi jami, ne amiwa neiyuka, ne ayo indondela.

Ne amiwa neipa bumi bwa myaka, ne ayo kechi ikonaike myaka yonse nangwa pachechetu ne. Kabiji kafwako nangwa umo ukeinsompola mu kuboko kwami ne.

Amiwa yami kibelo. Inge muntu watwelela pe amiwa ukapuluka, kabiji ukatwelanga ne kulupuka, kasa amona bya kuja.

Amiwa ne kafunga wawama, bami nebayuka, ne bami nabo bangyuka.

Bataata beimpele bakila bonse, kafwako wakonsha kwiisompola mukuboko kwa bataata ne. Amiwa ne bataata twi umo.”

Monka mwangyukila bataata amiwa, ne amiwa nebayuka bataata, ne amiwa neyelela mikooko mweo wami.

Kafwako ung'angataye ne, pakuba na mwela amiwa mwine. Nji na luusa lwa kumwela, kabiji nji na luusa lwa kumutambula jibiji. Uno ye mukambizho ye bankambizhizhe bataata.”

Kepo Yesu ebambijile jibiji amba “Kine, kine nemwambila namba, amiwa yami kibelo kya mikooko.

Pakuba ye bafweta, kechi kafunga ne, ne mikooko kechi yanji ne, pa kumona musuka kasa eya, wiileka mikooko, ne kunyema, ne musuka wiikwata, ne kwiipalang'anya.

“Kine, kine, nemwambila namba, awa ubula kutwelela pa kibelo mu kipaka kya mikooko, pakuba ukanjijila pangi ye ngivi kabiji ye kapondo.