Popular Bible Verses from Mak 2

Share

Wɛn Jizɔs yɛri wetin dɛn de tɔk, i se, “Nɔto dɛn pipul we wɛl gɛt fɔ go to dɔkta, na dɛn wan we sik. A nɔ kam fɔ tɛl dɛn pipul we de du wetin di Lɔ we Gɔd gi Mozis se, fɔ chenj dɛn layf, a kam fɔ tɛl dɛn wan we de pan sin fɔ mek dɛn chenj dɛn layf.”

Jizɔs si aw dɛn biliv pan am, so i tɛl di man we paralayz se, “Mi pikin, Gɔd dɔn padin yu sin dɛn.”

Jizɔs se, “Gɔd mek di de fɔ pre ɛn blo fɔ mɔtalman, i nɔ mek mɔtalman fɔ di de fɔ pre ɛn blo.

Pipul bin so plɛnti dat di man dɛn nɔ ebul pas fɔ kɛr di man we paralayz go na di ples we Jizɔs bin de. Dɛn klem pantap di os go pul wan pat pan di ruf kɔmɔt fɔ mek dɛn go gɛt ples fɔ pas di man we paralayz go dɔŋ na di ples we Jizɔs bin de. Di man bin ledɔm pan mata we dɛn pas am go dɔŋ to Jizɔs.

A go sho una se Mɔtalman Pikin gɛt di pawa na dis wɔl fɔ padin pɔsin sin.” So Jizɔs tɛl di man we paralayz se, “Grap, tek yu mata, go na yu os!”

Uswan traŋa fɔ tɔk, fɔ tɛl di man we paralayz se, ‘Gɔd dɔn padin yu sin dɛn’ ɔ fɔ se ‘Grap, tek yu mata ɛn waka?’

Aw ɔlman de luk, di man grap wantɛm, tek in mata ɛn waka go. Ɔlman wɔnda ɛn prez Gɔd. Dɛn se, “Wi nɔba si tin lɛkɛ dis wande!”