Popular Bible Verses from Matyu 7

Share

“Una aks Gɔd fɔ ɛnitin, i go gi una; una luk gud, una go fɛn wetin una de luk fɔ; una kɔnk, Gɔd go opin di do fɔ una.

Ɛnibɔdi we aks, go gɛt wetin i want; ɛnibɔdi we luk gud, go gɛt wetin i de luk fɔ; ɛn ɛnibɔdi we kɔnk, Gɔd go opin di do fɔ am.

“Ɛnibɔdi we de yɛri mi wɔd ɛn du wetin a tɛl am, da pɔsin de tan lɛk pɔsin we gɛt sɛns ɛn bil in os pan rɔk.

“Dɛn tin we una want mek ɔda pipul du to una, nain una fɔ du to dɛn. Na dat di Lɔ we Gɔd gi Mozis ɛn dɛn prɔfɛt se.

Bɔt di get we pipul de pas fɔ go usay tru layf de, smɔl, ɛn di rod traŋa fɔ waka pan, ɛn di pipul dɛn we dɔn fɛn am ɛn we go fɛn am, nɔ plɛnti.

“We una de go, una pas na di smɔl get, bikɔs di get we pipul de pas fɔ go na ɛl wayd, ɛn da rod de izi fɔ fala; plɛnti pipul de waka na da rod de.

If una we bad no aw fɔ gi una pikin dɛn gud tin dɛn, Gɔd we na una Papa we de na ɛvin, mɔs gi dɛn wan we aks am gud, gud tin dɛn pas dat.

“Una nɔ jɔj ɔda pipul, so dat Gɔd nɔ go jɔj una. Aw una jɔj ɔda pipul, na di sem we Gɔd go jɔj unasɛf.

“Bɔt ɛnibɔdi we yɛri wetin a tɔk ɛn i nɔ du wetin a tɛl am, da pɔsin de tan lɛk fulman we bil in os pan sansan.

Wetin du yu de luk di smɔl tik we de insay yu brɔda in yay, wɛn yu gɛt big bod insay yu yon yay? Aw yu go tɛl yu brɔda se, ‘Bo, mek a pul da smɔl tik de na yu yay,’ wɛn yu gɛt big wan na yu yon yay?

“Una tek tɛm wit dɛn prɔfɛt we nɔ de tɔk tru; wɛn una luk dɛn, dɛn tan lɛkɛ ship, bɔt insay dɛn at, dɛn tan lɛkɛ wulf we wayl bad bad. Una go no dɛn bay wetin dɛn de du. Pɔsin nɔ go pik greps na chuk chuk bush ɔ pɔsin nɔ go pik fig na chuk chuk tik.

Tik we gud go bia gud tin fɔ it, ɛn tik we nɔ gud go bia bad tin fɔ it.

Tik we gud nɔ go bia bad tin fɔ it ɛn tik we nɔ gud nɔ go bia gud tin fɔ it.

Dɛn go kɔt ɛni tik we nɔ de bia gud tin fɔ it ɛn trowe am na faya.