Popular Bible Verses from Jɔn 19

Share

Jizɔs sɔk di viniga ɛn se, “A dɔn dɔn mi wok!”

Wɛn dat bi, Jizɔs bin no se in wok na dis wɔl dɔn dɔn, ɛn fɔ mek wetin rayt na Gɔd in Buk kam bi tru, i se, “A tɔsti.”

Wɛn Jizɔs si in mama ɛn in lanin bɔy we i lɛk tinap de, i se, “Mama, na yu pikin dis.” Dɔn i tɛl di lanin bɔy we i lɛk se, “Na yu mama dis.” Da sem tɛm de, di lanin bɔy kɛr Jizɔs in mama go nain yon os ɛn mek i tap de.

Bɔt wɛn dɛn rich to Jizɔs, dɛn si se i dɔn day, so dɛn nɔ brok in yon fut. Wan pan di soja man dɛn tek lɔŋ nɛf ɛn chuk Jizɔs in sayd, blɔd ɛn wata bɔs kɔmɔt de wantɛm.

Ɔl dis bi so dat wetin bin dɔn rayt na Gɔd in Buk go kam bi tru. Dat na: “Dɛn nɔ go brok nɔn pan in bon dɛn.” Ɛn dɛn rayt ɔda say na Gɔd in Buk se, “Pipul go luk di pɔsin we dɛn chuk wit lɔŋ nɛf.”

Jizɔs insɛf tot in krɔs nain sholda, sote i rich na wan ples we dɛn kɔl “Di ples we tan lɛkɛ mɔtalman ed”. (Di Ibru pipul dɛn de kɔl da ples de “Gɔlgɔta”.)

Di soja man dɛn tek chuk chuk mek krawn ɛn wɛr am pan Jizɔs in ed, dɔn dɛn wɛr lɔŋ dak rɛd klos pan am.