Popular Bible Verses from DUKU 7

Share

Chɛ an‑na a fɔ, n ni a ma din i tena, mbɛ musu chɛ‑a koadia chenama min dɔ yian ka n na, a‑a a ɔ yian fan, mbɛ Yataa‑a a boo bɔ a 'a ko yama chɛ n gbɛɛ ɔ. Chɛɛ Yataa ɛ a boo bɔ‑a mɔɛ min 'na ko yama sima sima ɔ dechee, a mɔɛ chɛ ee koadia chenama ɔ yian.” Mbɛ Chisɔsi‑a a fɔ musu chɛ ye, a ɔ, “N‑na n boo bɔ i 'a ko yama ɔ.”

Chɛɛ Chisɔsi‑a a fɔ wan musu chɛ ye, a ɔ, “Ta i faa chimaenɛ a don, i 'a danaya‑a i baun.”

Musu chɛ don‑da kɛn Fayisii chɛ 'a chenɛ a, a‑a a ma bun fan Chisɔsi gbaa chia a, a chenɛ ɔ fuinden ni kaina, mbɛ a bun‑da di chɛ‑a fiko fiko. A ya yii min ni ka bɔ tena, a‑a Chisɔsi chenɛ n ma chima wan. A‑a a kundi an ya, a‑a Chisɔsi chenɛ n ma fian a a. A yɛ‑a wan to, a‑a a da tu Chisɔsi chenɛ n na, a ɔ yian koe a, mbɛ basɔmaya ɛ wan a boo ɔ Chisɔsi ko a. A‑a tu kunyɛ a diama chɛ ya, mbɛ a‑a Chisɔsi chenɛ ma mun a gbɛɛ a.

N ma buɛ chɛ gbu an fɛ ni, n‑na n yii na chii, mbɛ a gbu ma nyin, n fandi n ni ta i tan. Chɛɛ i da a kuiɛ a ben dechee, n 'na bɔi denɛ ɛ baun‑da wan. A mu min na, n fandi gbu wɛɛ, n mbe mɔɛ n fan 'na gbasaya kɔɔ. N bɛɛ, soya n mbe wan n kɔɔ. N mbe a fɔ wan dɔndɔ ye, n dɔ, ‘Ta,’ mbɛ a ta‑a. N mbe a fɔ wan dɔndɔ wɛɛ ma, n dɔ ‘Na,’ mbɛ a na‑a. Mbɛ n‑na a fɔ n 'na bɔi denɛ ma, n dɔ, ‘Chɛ ma,’ mbɛ a‑a a ma.” Chisɔsi tɛnɛ‑a wan a a, bai chɛ a min koe a. Mbɛ a‑a a ya a mun fanka wa chɛ ma, min ni a sɔ tena a fɛ, mbɛ a ɔ, “Kɛn gba, n ma mɔ bonda chɛ yen nin bɛ mmɔ Isɔɛɛ mɔɛ n gbɛɛ tɛ ɔ, min danden mu ka n na.”

A tima dɔndɔ gbe chɛ a, Chisɔsi ni wan mɔ sɛsɛ baun‑da an 'na gbandi n dɔ. A sin na‑a nyina yama n gbain fan mɔɛ dɔ n fɛ. A yɛ to, a‑a ya te tɔ sɛsɛ ya a ka wan. Mbɛ a‑a a fɔ Chɔn 'na sɔ mɔɛ chɛ n ye, a ɔ, “Wo yɛ, wo ta yiima ɔ, wo ni a ɔ yian kai Chɔn na, wo‑a koe miin dɔ yen, ni wo‑a miin na min. Wo a fɔ a ye, wo ta yiima ɔ, mbɛ ya te tɔɛ nu, an‑na kaina ɔ yen, wo ɔ, namaa an sɔ‑a. Wo a fɔ a ye to, wo ta yiima ɔ, wo ɔ, gbandi yama ni miin gboo ma, an baun‑da, wo ɔ, too gbee tɔɛ nu, an‑na koe a min, wo ɔ, miin faen ni, an‑na fɔɛ ma sɔn to, wo ɔ, yɔn tɔɛ n bɛɛ, an‑na sakana bai chɛndɛ chɛ a min.