Popular Bible Verses from 1 VAKORINZO 6

Share

Munyala khuva mushili khumanyakhu ndi mmbili kwenyu kuli khuli litempeli lia Roho Mutakatifu, uli mwoyo mu munyi, wa mwanyola khurula khu Nyasaye? Shiumuli munyi vene tawe. Mwakuulwa nu murungu ku vukuuli vululu. Khulwa yako, murumishile mivili chienyu khuhaana vukhumi khu Nyasaye.

Mushili khumanyakhu ndi vandu vatamanu vakora likhola liu vulunji, shivaliitsa khwinjila mu Vwami vwa Nyasaye tawe. Mukhikaati vene tawe; vandu vakholanga mwiima kwi shifwavi inoho vasaala khu misambwa inoho vakholanga vuheeyi inoho vasatsa vakonanga na vasatsa vandi khuli vo inoho vihuuvi inoho vilili inoho vatandi inoho vanuuli avulakhuho, khali mulala khuvo uliitsa khunyola Vwami vwa Nyasaye.

Mulekhane nu mwiima mutamanu kwi shifwavi. Vwoni vundi vwosi vwa mundu akholanga vuli ilwanyi wu mmbili; navutswa musatsa wu kholanga mwiima mutamanu kwi shifwavi akholelanga mmbili kwekwe vwoni.

Mulala khu munyi anyala khuvoola, “Naheelwa vunyali vu khukhola shia shindu shiosi.” Navutswa shia shindu shiosi shivula vukhonyi khwinzi. Nyala khuvoola naheelwa vunyali vu khukhola shia shindu shiosi, navutswa shindu shivulakhuho shinyala khukhola khuva murukwa.

Nyasaye, wisimushitsa Mwami khurula mu likhutsa; aliitsa khukhwisimushitsa khurula mu likhutsa khandi khuvirila mu tsingulu tsietsie.