Popular Bible Verses from MARIKO 13

Share

Ak kowechok bik tugul amu kainennyu: ago ne muitoi agoi let, kesoru noto.

Oripse anyun, ogenisie ak kosae: amu mongen ye egune.

Ak ye tun kimutak kapkiruok, ak kindeak eunekab bik, ko mat ogerer met agobo kit ne tun omwae: ago kit age tugul ne kigonok eng’ sainato, ko noto ne omwae: amu ma okwek che ong’alali, ago Tamirmiriet ne Tilil.

Siirtoi kipsengwet ak ng’ony, ago masiirtoi ng’alekyuk.

Ago mami chi ne naei agobo betunoto anan sainato, agot malaikaisiek che mi kipsengwet, agot Werit, kobate Kwanda inegei.

Ak ye tun ogas agobo lugosiek ak ng’alek agobo baretab ge, ko moarogense: kanyol koek ko u noto; ago tom koit kagesunet.

Oripse anyun: amu mongen ye itu chitab kobo got, ngo lagat, anan kemoi kwen, anan ye iteei kipsoiywet, anan karon; si macheak ak konyoruok oruitosi. Ak ng’olyot ne amwawok okwek amwachini tugul, ale, Oripse.

Amu setyin bororiet age bororiet age, ak setyin bounatet age bounatet age: ak kobiit botanetab ng’ony eng’ oldinwek che terotin; ak kobiit rubosiek: tuguchuto ko taunetab ng’woninwek.

Ak kanyol keamji korok logoiywek che miach bororiosiek tugul.

Bwanei tun che chang’ eng’ kainennyu, kolen, A inendet; ak kobeet che chang’.

Ago oripge okwek: amu tun kimutyinok kapkiruok; ak kebirok eng’ sunagogisiek; ak oteleli eng’ taitab bounik ak laitorinik agobo ane, si koek baornat eng’ ichek.

amu ng’eetos Kristoisiek che bo lembech, ak maotik che bo lembech, ak kobortoi kaborunoik ak kwong’utik, si kobeet, agot che kigelewen nda imugaksei.

Ago eng’ betusiechoto, ko kagobata nyalilata, koimenit asista, kama koluu arawet, ak kororok kecheik eng’ kipsengwet, ak kotumdumgei kimnatosiek che mi kipsengwetisiek.