Popular Bible Verses from JOHANA 13

Share

Rĩu ngũmũhe rĩathani rĩerũ, nĩ atĩ mwendane; o ta ũguo niĩ ndĩmwendete, inyuĩ mwendane o ro ũguo inyuene. Nĩ ũguo andũ othe marĩmenyaga mũrĩ arutwo akwa, mwatũũra mwendaine.

Na rĩrĩ, niĩ Mwathani, niĩ Mũrutani, ndagĩkorũo thambĩtie nyarĩrĩ cianyu-rĩ, nĩmwagĩrĩirũo na inyuĩ mũthambanagie nyarĩrĩ inyuene. Amu nĩ kũmuonereria ndamuonereria, nĩ getha na inyuĩ mwĩkage ũguo ndĩmwĩkĩte.

Jesu agĩcokia akĩmwĩra atĩrĩ, Niĩ ũrĩa ngwĩka, wee ndũũĩ rĩu; no nĩũrĩmenya thutha.

Ndamwĩra atĩrĩ, o ma, ma, Ngombo ti nene kwĩ mũmĩathi; na mũtũmwo ti mũnene kwĩ mũmũtũmi.

Akorũo nĩmũũĩ ũguo, gũkena nĩ inyuĩ mwagĩtuĩka nĩguo mũrĩĩkaga.

agĩũkĩra akiuma metha-inĩ, akĩiga nguo ciake iria cia igũrũ thĩ, akĩoya gĩtambaya gĩa kwĩgiria, agĩkĩĩoha njohero. Agĩcoka agĩĩkĩra mbakũri maĩ, akĩambĩrĩria gũthambia arutwo nyarĩrĩ akĩmagiragia na gĩtambaya kĩu eohete.