Popular Bible Verses from MATIE 7

Share

“Nɛ gɔ́ mɔ kɔ̃ Gale, nɛ a hã sɛ hã nɛ. Nɛ fá mɔ, nɛ nɛ kpa sɛ. Nɛ ngbóló 'do nu tɔa, nɛ Gale a hũi sɛ hã nɛ.

Mba gɔ, wi kɛ a gɔ mɔ, nɛ wa hã sɛ hã a, nɛ wi kɛ a fa mɔ, nɛ a kpa sɛ, nɛ wi kɛ a ngbolo 'do nu tɔa, nɛ wa hũi sɛ hã a.

Nɛ Yezu tɔ̃ 'bɔ na: “Winɔ vɛ̃ kɛ wa zele we mi tɔ̃ gɛ, kɔ wa e ma fala dɛa to, nɛ nde wa wia kɔ̃ do wi hã zã, kɛ a dɛa tɔa 'da a, nɛ a a nyanga nɛ dɛ ngɔ ta ni.

“Nɛ dɛ́ do ongba nɛ ɔ nɛ kɛ nɛ kɔ̃a tɛ mɛ 'bɔ na, wa dɛ do nɛ ni. Ki ni a kɛ mbula 'da Mɔizɛ, do 'buki 'da Owi gba olo nu Gale tɔ̃a gɛ a ni.

Nɛ nu ngboe kɛ ma a bi sĩ, nɛ li wala nɛ gã̀ gɔ, nɛ fala la li nɛ nganda wena ni, ma kã wele we kpa kpasi. Nɛ Owele wa lá li nɛ wena gɔ.

“Nɛ dɛ́ nganda na, nɛ le do be nu ngboe. We kɛ nu ngboe kɛ ma gã wena, nɛ li wala nɛ lɔ wena ni, ma kã wele dɛ li fio. Nɛ gba gili Owele wa la do ma.

Nɛ a owi dɛ 'dã mɔ, kɔ nɛ hã odia mɔ hã obenɔ 'da nɛ ni, ní a tɔlɔ wá do Baa nɛ Gale li nza i ni nde? Nɛ gɔ mɔ kɔ̃ a, nɛ a hã sɛ odia mɔ hã nɛ wena.

“Nɛ tɛ 'bìlì we mɔ́ ngba nɛ gɔ, dɔ Gale 'bílí tɛ mɛ 'bɔ we 'da nɛ gɔ. We kɛ Gale a 'bili sɛ we 'da nɛ kpasaa ɔ nɛ kɛ nɛ 'bili do wenɔ 'da ngba nɛ ni. Mɛ nɛ we do mɔ hã ngba nɛ ni, Gale a we sɛ tɛ mɛ 'bɔ do mɔ hã nɛ.

Nɛ winɔ vɛ̃ kɛ wa zele we nu mi, kɔ wa è ma fala dɛa to gɔ ni, wa wia kɔ̃ do yɔndɔ wi kɛ a dɛa tɔa 'da a dɛ ngɔ kɛnzɛ ni.

Kɔdɛ kɛ mɔ zɔ be 'bulu wɔkɔsɛ kɛ ma tia li nya mɔ ni, nɛ nde mɔ ĩ́ fala te kɛ ma tia li mɔ gɛ gɔ ni nɛ nde? Kɔdɛ kɛ mɔ wia tɛ tɔ̃ hã nya mɔ na, mɔ é li mɔ, kɔ mi fo 'bulu wɔkɔsɛ ngɔ nɛ gɛ, nɛ nde ĩ na, mɔ tɛ mɛ 'bɔ do te li mɔ ni nɛ nde?

“Lì nɛ sɔ̃́ tɛ owinɔ wa gba olo nu Gale do bɛlɛ ni. We kɛ wa tɛ 'da nɛ ɔ nɛ obata ni, nɛ nde kɔ sila wa ɔ nɛ kɔ sila gɔ̃̀ ni. Nɛ ĩ sɛ ti wa we dɛa to tɛ wa. We kɛ wele wè tɛ 'bi wala ndimɔ ngɔ te sàlá gɔ, nɛ wele wè 'bɔ tɛ 'bi wala mafuku ngɔ te gbakɔnda gɔ.

Dia te ko dia wala te, nɛ 'dã te ko tɛ mɛ 'bɔ 'dã wala te.

Dia te wè tɛ ko 'dã wala te gɔ, nɛ 'dã te wè tɛ ko dia wala te gɔ.

Tenɔ vɛ̃ kɛ ma kó dia wala nɛ gɔ ni, nɛ wa 'bili ma do'do, nɛ wa da ma li we.