Popular Bible Verses from LUKA 19

Share

We kɛ mi Be 'da Wele, mi tɛa we fa owinɔ kɛ wa yɔa zi wala ni, takɔ mi kpasa wa.”

Nɛ wa he mɔ na: “E kɔ Nwa Gale wele nu ɛ tɛ Nwa kɛ a tɛ do zu li a ni! E kɔ dungu fio ɔ tɛ li nza i, nɛ Gale kpa dɔ̃lɔ̃ li i mɔ.”

Nɛ Yezu tɔ̃ hã a na: “Sɔɛ gɛ, Gale kpasa mɔ, kɛ mɔ a be zã Abrahama ni.

Kɔ Yezu hɔa dɛ fala Zakayo kũ do te ni, nɛ a ba li a ngɔ, nɛ a tɔ̃ hã a na: “Zakayo, mɔ zĩ́lĩ́ dɔ̃! We kɛ sɔɛ gɛ, mi ɔ sɛ kɔ tɔa 'da mɔ.” Nɛ Zakayo zĩlĩ do ti, nɛ wa la do Yezu dɛ kɔ tɔa 'da a i do yangga.

Wa hɔa i mɔ ni, nɛ Zakayo kulu ngɔ, nɛ a tɔ̃ hã Nwa Yezu na: “Aa Nwa, mi kɔ̃a we gɔnɔ sanga kpamɛnɔ 'da mi dɛ gbogbo, nɛ mi hã mbee nɛ hã Owi sãnɔ. Kɔ fala kɛ mi ɔlɔ zi wele, kɔ mi kala mbili kɔ̃ a nde, nɛ mi gese sɛ olo nɛ hã a fala nalɛ.”

Mɛ ni nɛ nde ombe Fariziɛnɔ wa zi sanga owinɔ ni boe. Nɛ wa tɔ̃ hã Yezu na: “Wi be mɔ, mɔ tɔ̃́ hã owinɔ 'da mɔ, kɔ wa kpe nu wa.” Nɛ Yezu gese hã wa na: “Mi tɔ̃ hã nɛ na, fala kɛ wa kpe nu wa, nɛ otanɔ gɛ wa he sɛ mɔ we dɔnggɔ mi.”