Nɛ owinɔ wa kua, nɛ wa ma ngɔ dɛlɛ ngɔ nù gɛ. Nɛ wa kua 'bɔ oboko be. Owinɔ kɛ wa ɔ li nza ngɔ i ni, wa zɔa na oboko benɔ ni wa de zɔnga wena, nɛ wa fa wa we kala wa do wuko. NWA zɔa ní, nɛ a tɔ̃ na: “Ma wè na Owele wa 'bana do bũ kpasi mi hã hã wa ni fai gɔ, we kɛ wa a fio iko. Kɔ ngangga gɛ, wa ɔ sɛ ngɔ nù gɛ, nɛ nde wa lá sɛ ngɔ sabɛlɛ kama do 'bu nɛ bɔa gɔ.” Zi do sabɛlɛnɔ ni, do kɛnɔ 'bɔ 'do nɛ ni, ombe wele ngɔ nù gɛ, wa dulu zi wena. Wa zi a obenɔ 'da owukonɔ kɛ owinɔ wa ɔ li ngɔ i, wa kua zi do wa ni. Nɛ wa zi do dɔlɔ li wena sanga owinɔ dati gɛ.