Popular Bible Verses from Owi Nɛ Tonɔ 2

Share

Nɛ Petro gese hã wa na: “Nɛ kífí sila nɛ, nɛ wele do wele kpá batisimɔ do zu li Yezu Kristo, takɔ Gale fo 'dã mɛnɔ zu nɛ, nɛ a hã Hi Wi Santo hã nɛ.

Nɛ wa ba tɛ wa vɛ̃ we zele bia wenɔ kɛ owi nɛ tonɔ wa be ni. Nɛ wa tɛ mba li ngba wa do onya wa wi kɔ̃a wenɔ 'da fala fai. Nɛ wa nyɔngɔ mɔ do sambala Gale fala nɛ kpo.

Nɛ Hi Wi Santo lia kɔ wa vɛ̃, nɛ a dunu do wa, nɛ wa ma ngɔ wele we do ogele nu kɛ wa yàmbàlà ma dati gɔ ni, do tɛlɛ tɛ kɛ Hi Wi Santo ia dɛ nu wa ni.

Kɔ wa nɛa we gbanga nɛ, nɛ wa zele giti mɔ wele nganda wena do li nza i. Nɛ ma wele ɔ nɛ giti gba bũ ni, nɛ ma dunu kɔ tɔa kɛ wa dungu nɛ ni vɛ̃. Nɛ mɔ ma nyɛ ɔ nɛ dɛfɛ we ni, ma kɛ̃a sanga tɛ ngbɛ ɛ, nɛ ma dungu dɛ zu wele do wele. Nɛ Hi Wi Santo lia kɔ wa vɛ̃, nɛ a dunu do wa, nɛ wa ma ngɔ wele we do ogele nu kɛ wa yàmbàlà ma dati gɔ ni, do tɛlɛ tɛ kɛ Hi Wi Santo ia dɛ nu wa ni.

Nɛ tũ kpo kpo, wa mba zi li ngba wa kɔ Tɛmpɛlo, we dɔnggɔ Gale. Nɛ wa mba 'bɔ li ngba wa kɔ tɔanɔ 'da wa, nɛ wa nyɔngɔ mɔ fala nɛ kpo do yangga, nɛ wa bá tɛ wa ngɔ ngba wa gɔ. Wa tɛ dɔnggɔ Gale, nɛ owinɔ vɛ̃ wa kɔ̃a gɛnɛ wa wena. Nɛ tũ kpo kpo Nwa Yezu dɛ na, owinɔ kɛ wa kɔ̃a, nɛ wa kpasa ni wa dɛlɛ dɛ dati fai.

‘Gale tɔa na, do ndɔti nza, nɛ mi tombo sɛ Hi Wi 'da mi, nɛ a dunu sɛ kɔ owinɔ vɛ̃. Obulu benɔ, do oboko benɔ 'da nɛ, wa gba sɛ do nu mi. Mi be sɛ mɔ li ozagbãlã benɔ 'da nɛ. Nɛ mi tɔ sɛ yalɛ zu okpasa winɔ 'da nɛ.

Nɛ owinɔ kɛ wa kɔ̃a zu li Yezu ni, wa zi vɛ̃ do sila wa kpo, nɛ wa mba li mɛnɔ 'da wa vɛ̃ kpo. Wa be gole mɛnɔ 'da wa, nɛ wa kala mbili nɛ, nɛ wa kɛ̃ ma dɛ kɔ̃ ngba wa, nɛ wele do wele kpa kɛ ma wia do a ni.

Na mɛ ni, winɔ vɛ̃ kɛ wa ala sɛ nu wa hã mi Nwa ni, nɛ mi kpasa sɛ wa.’ ”

Li wese ma tũ sɛ mbĩi, nɛ li zɛkɛ ma fele ɔ nɛ tɔkɔ ni. Mɛnɔ ni vɛ̃ ma hɔ sɛ dati kɔ̃ tũi kɛ mi Nwa, mi nɛ gɔnɔ do ngbangga 'da owinɔ ni. Mɛ sɛ a gã ngba soe be dɔlɔ li 'da mi.