Popular Bible Verses from Owi Nɛ Tonɔ 1

Share

Nɛ nde do 'da fala kɛ Hi Wi Santo a zĩlĩ sɛ dɛ ngɔ nɛ ni, nɛ a hã sɛ ngawi hã nɛ. Nɛ nɛ sɛ a otemɔɛnɔ 'da mi, nɛ nɛ tɔ̃ sɛ gulu mɛnɔ kɛ nɛ zɔa ni hã owinɔ tɛ Yeruzalɛmɛ, do ngɔ nù Yude, do Samaria, gbaa we hɔ gulu nù i vɛ̃.”

Nɛ Yezu gese hã wa na: “Nɛ wè tɛ ĩ ti ngba soe do kɔ̃ tũi, kɛ Baa mi wia ma do ngawi 'da a zu a kpo ni gɔ.

Nɛ mbe ngba soe kpo, a tɛ nyɔngɔ mɔ do wa, nɛ a tɔ̃ hã wa na: “Dɔ nɛ lá nyɛlɛ do Yeruzalɛmɛ gɔ. Nɛ nde nɛ 'bã 'da mɛ kɛ Baa mi kpua zi mbulu nɛ hã nɛ ni. Mi tɔ̃a zi 'bɔ we nɛ hã nɛ dati ia. We kɛ nɛ ĩ́ na, Yoanɛ batisa zi winɔ do lì. Nɛ nde ma lã sɛ dɔa kɔ̃ tũ gɔ, nɛ Gale a batisa sɛ nɛ do Hi Wi Santo.”

'Do kɛ a fia ni, nɛ a bia zi 'bo tɛ a hã wa do walanɔ vɛ we be na, ɛ do kpasi. Nɛ a bia tɛ a hã wa ní gbaa we 'bu tũ nalɛ, tɛ tɔ̃ gulu dɛa to nwa 'da Gale hã wa.

'Do kɛ Yezu tɔ̃a we ni, nɛ a ma ngɔ kũ dɛ li nza i, nɛ wa tɛ ka mɔ 'do a gbaa, nɛ a bi tũ dɛ zã kuti dɛ li wa ni.

Kɔ wa 'bana tɛ soko mɔ dɛ li nza i, dɛ fala Yezu la nɛ ni, nɛ Owi wili bɔa, wa hi'da fɛ̃a tulu nde nde, wa hɔ dɛ kɛ zã wa ni do ti, nɛ wa tɔ̃ hã wa na: “Aa nɛ, Owi Galile, gulu kɛ nɛ yolo tɛ soko mɔ dɛ li nza i ni we ge nde? Yezu kɛ a yula dɛ sanga nɛ gɛ, nɛ a kũ dɛ li nza i dɛ li nɛ gɛ ni, a tɛ sɛ 'bɔ kpasaa ɔ nɛ kɛ nɛ zɔa do a tɛ kũ dɛ li nza i ni.”