Popular Bible Verses from Ligji i përtërirë 30

Share

Qielli e toka qofshin sot dëshmitarë se po ju parashtroj jetën e vdekjen, bekimin e mallkimin. Zgjidh, pra, jetën, që të jetosh ti e pasardhësit e tu. Duaje ZOTIN, Perëndinë tënd, dëgjoje zërin e tij e mbahu fort pas tij, sepse ai është jeta dhe mbushullia e ditëve të tua. Kështu do të banosh në vendin, për të cilin ZOTI iu betua etërve të tu, Abrahamit, Isakut e Jakobit, se do të ta jepte ty».

Nëse u bindesh urdhërimeve të ZOTIT, Perëndisë tënd, të cilat t'i urdhërova sot, që ta duash ZOTIN, Perëndinë tënd, ta ndjekësh udhën e tij e t'i mbash urdhërimet, rregullat dhe vendimet e tij, atëherë do të rrosh dhe ZOTI, Perëndia yt, do të të shtojë e do të të bekojë në tokën ku po hyn për ta pushtuar.

Shiko, sot po të parashtroj jetën e të mirën, vdekjen e të keqen.

Ja, fjala është fare pranë teje. Është në gojën tënde e në zemrën tënde, që ta zbatosh.

ZOTI, Perëndia yt, do të ta rrethpresë zemrën ty e pasardhësve të tu, që ta duash ZOTIN, Perëndinë tënd, me gjithë zemër e me gjithë shpirt dhe kështu do të jetosh.

ZOTI, Perëndia yt, do ta begatojë çdo punë tënden, frytin e barkut, të kafshëve e të dheut, sepse ZOTI do të ngazëllehet sërish me ty, siç ngazëllehej me etërit e tu

Nëse nuk bindesh e nuk dëgjon, joshesh, adhuron perëndi të tjerë e u shërben atyre, atëherë sot po të shpall se do të marrësh fund krejt. Nuk do të jetosh gjatë në tokën që po hyn për të pushtuar përtej Jordanit.

Ky urdhër që po të jap sot nuk është as i pakuptueshëm e as i pakapshëm.

Nuk është në qiell, që të thuhet: “Kush do të ngjitet në qiell, që të na e sjellë e të na e shpallë për ta zbatuar?”.

Nuk është përtej detit, që të thuhet: “Kush do të shkojë përtej detit, që të na e sjellë e të na e shpallë për ta zbatuar?”.