Popular Bible Verses from Marke 9

Share

Yezu kumuambila ne: — Udi wamba ne: bu wewe musue! Kadi bionsu bidi biteketela muntu udi ne ditaba.

Diakamue, tatu wa muana kuela diyi dikole ne: — Ndi muitabe, ungambuluishe bualu meme tshiena ne ditaba dikumbane!

Padi Yezu upingana mu nzubu, balongi bende kumukonkabu pa nkayabu ne: — Tuetu katuvua bapatule mukishi ewu bua tshinyi? Yezu kubandamuna ne: — Mukishi wa mushindu ewu badi mua kuwipata amu ku ditendelela Mvidi Mukulu.

Luepu ntshintu tshimpe. Kadi padilu lutshipale, nebalutuishe kabidi bishi? Ikalayi batue bu badi ne luepu munda muenu. Sombayi ne ditalala munkatshi muenu.

— Muntu udi wakidila umue wa ku bana bakese aba mu dina dianyi, udi ungakidila meme. Muntu udi ungakidila, kena ungakidila amu meme, udi wakidila kabidi uvua muntume.

Muntu wanupesha dikopu dia mayi a kunua mu dina dianyi, bualu nudi ba Kristu, ndi nnujadikila ne: neapete difutu diende.

— Muntu udi ufikisha ku bubi umue wa ku bana bakese aba, badi bangitaba, mbipite buimpe bamusuike dibue dinene mu nshingu, bamuele mu mayi manene.

Pikala disu diebe dikufikisha ku bubi, uditonkone, bidi bimpe wewe kubuela mu Bukalenga bua Mvidi Mukulu ne disu dimue pa mutu pa kushala ne mesu abidi, kukuimanshabu mu kandondu ka bafue.