Popular Bible Verses from Marke 10

Share

Bualu Muana wa muntu kena mulue bua bamukuatshile mudimu, kadi mmulue bua kukuatshila bantu mudimu ne kufila muoyi wende bu tshieya bua kupikula bantu ba bungi.

Yezu kubatangila, kubambila ne: — Bantu kabena mua kubuenza nansha, kadi Mvidi Mukulu udi wenza. Bualu ku bionsu kakuena tshidi mua kukolela Mvidi Mukulu nansha.

Yezu kumuambila ne: — Ndaku, ditaba diebe diakondapi. Diakamue, kutabalaye, kutuaye Yezu munyima.

Nenku muntu kabuludi tshidi Mvidi Mukulu mumane kusuika.

Yezu kumutangila, kumunanga, umuambila ne: — Bualu bumue butshidi bukushale. Uye, upane bionsu biudi nabi, upeshe bapele makuta, nanku neupete bubanji mu diulu. Pashishe Ulue, undonde meme.

Yezu kumukonka ne: — Udi musue nkuenzele tshinyi? Mpofu kumuandamuna ne: — Mulongeshi, ngambuluishe bua ntabale tshiakabidi.

Kadi kabienzeki nanku munkatshi muenu nansha. Padi umue wa kunudi nuenu musue kuikala munene, ikale muena mudimu wenu.

Ndi nnujadikila ne: udi kayi wanyisha Bukalenga bua Mvidi Mukulu bu mudi muana, kena mua kubuelamu nansha.

Kadi ba bungi badi kumpala mpindiewu nebikale ba nshikidilu. Badi ku nshikidilu mpindiewu nebikale ba kumpala.

Kadi ku ntuadijilu Mvidi Mukulu mumane kufuka bintu bionsu “Wakabika muntu mulume ne mukaji.” Ke padibu bafunde mu Mukanda wa tshijila ne: Bua nanku, mulume neashiye tatuende ne mamuende bua kulamataye mukajende. Bubidi buabu bikale muntu mue. Nanku kabatshiena babidi kabidi nansha, badi tshintu tshimue.