Popular Bible Verses from Marke 6

Share

Bantu bavua baya bapingana, bapite bungi, Yezu ne balongi bende kabayi mua kupeta nansha diba dia kudia. Nanku Yezu kubambila ne: — Tuyayi muaba mupengame bua nuenu kuikisha tshitupa.

Yezu kubambila ne: — Muambi badi bamunemeka miaba yonsu, kadi badi bamupenda mu ditunga diabu ne kudi baledi bende ne kudi bana babu.

Padi Yezu upatuka mu buatu, kumonaye bantu bavule. Kubumvuilaye luse, bualu bavua bu mikoku idi kayiyi ne mulami. Kubangaye kubalongesha malu a bungi mutantshi mule.

Yezu kavua muenze muaba awu bualu bua kukema nansha bumue, kadi uvua mutenteke bamue babedi bianza mujikije masama abu. Uvua ukema bikole muvuabu bapange mua kumuitaba. Pashishe Yezu uvua ulongesha bantu mu misoku yonsu ya ku mpenga.

Pashishe Yezu kuangata mampa atanu ne mishipa ibidi, kutangilaye mulu, kuelaye Mvidi Mukulu tuasakidila. Kutshibulaye mampa, kuapeshaye balongi bua kuabanyinabu bantu. Kubabanyinaye bonsu buabu kabidi mishipa ibidi. Bantu bonsu kudia, kuukuta. Balongi kusangisha bipese bia mampa ne bisunsukila bia mishipa bivua bishale, kuwujabu bisaka dikumi ne bibidi.