Popular Bible Verses from Matayi 28

Share

Nenku nuye kudi bantu ba bisamba bionsu. Nubenze balongi banyi. Nubatue mu mayi mu dina dia Tatu, dia Muana, ne dia Mueyelu wa Tshijila. Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Ke Yezu kusemena pabuipi nabu, ubambila ne: — Mvidi Mukulu mmumpeshe bumfumu buonsu mu diulu ne pa buloba.

Ke mutumibue awu kuambila bakaji ne: — Kanutshinyi to. Ndi mumanye ne: nudi nukeba Yezu, uvuabu bapopele pa mutshi mutshiamakane. Kena apa to. Ukadi mubike ku bafue muvuaye muambe. Kanumonayi muaba uvua tshitalu tshiende.

Yezu kubambila ne: — Kanutshinyi to. Nuye, nuambile bana betu bua kuyabu mu Ngalileya. Ke muayabu kummuena.

Nanku bamfumu ba batuangaji ne bakulu kudisangisha. Kupungabu diyi bua kubuejila basolayi. Kubapeshabu makuta a bungi, babambile ne: — Nenujadike ne: balongi bende mbafike mundankulu. Kuibabu tshitalu tshiende patu-vua balale tulu. Kadi pikala mulombodi wa ditunga mumvue bualu abu, netuyukile nende bua kantatshishi. Basolayi bavua bangata makuta, kuenzabu muvuabu babambile. Bena Yuda badi balondelangana bualu ebu nanku too ne ku lelu.