Popular Bible Verses from Matayi 22

Share

Yezu kumuandamuna ne: — “Unange Maweja-Nangila Mvidi Mukulu webe ne muoyi webe mujima, ne bukole buebe buonsu, ne lungenyi luebe lujima.” Awu ke mukenji mupite bunene, ne wa kumpala. Mukenji muibidi, wa bunene bua momumue, udi nunku: “Unange mukuebe, bu muudi mudinange wewe.”

Mikenji yonsu ya Moshe, ne bionsu bidi bambi balongesha, bidi amu mu mikenji eyi ibidi.

Bualu badibu babikile badi bavule, kadi badibu basungule badi bakese.

Bualu pabika bantu ku bafue, nebikale bafuanangane ne batumibue ba Mvidi Mukulu badi mu diulu, kabayi baselangana kabidi to.

Ndejayi makuta anudi nuteta nawu tshitadi. Kumulejabu makuta. Yezu kubakonka ne: — Mpala ewu ne dina, bidibu bafunde apa, mbia nganyi? Kuandamunabu ne: — Bia mukalenga wa bakalenga. Ke Yezu kubambila ne: — Nunku futayi mukalenga wa bakalenga bintu bidi bunutangila, kadi lambulayi Mvidi Mukulu pende bidi bimutangila.